છત્તીસગઢના ઇતિહાસમાં સુરક્ષા દળોનું સૌથી મોટું ઓપરેશન

એક જ એક્રાઉન્ટરમાં ૩૧ નક્સલવાદીઓ માર્યા ગયા

એલએમજી રાઇફલ, એકે ૪૭ રાઇફલ, એસએલઆર રાઇફલ, ઇન્સાસ રાઇફલ, કેલિબર ૩૦૩ રાઇફલ અને અન્ય હથિયારો મળી આવ્યા

છત્તીસગઢમાં નારાયણપુરદંતેવાડા બોર્ડર પર માડ વિસ્તારમાં એક્રાઉન્ટર બાદ ૩૧ નક્સલવાદીઓના મૃતદેહ મળી આવ્યા છે. શુક્રવારે (૪ ઓક્ટોબર)ના રોજ અહીં પોલીસ અને નક્સલવાદીઓ વચ્ચે એક્રાઉન્ટર થયું હતું. આ દરમિયાન ડીઆરજીનો એક જવાન ઘાયલ થયો હતો. જોકે તેની હાલત ખતરાની બહાર છે. સર્ચ ઓપરેશન ચાલુ છે. સેન્ટ્રલ રિઝર્વ પોલીસ ફોર્સ અને ડીઆરજીના વધારાના સુરક્ષા જવાનોને ઘટનાસ્થળે મોકલવામાં આવ્યા છે. એલએમજી રાઇફલ, એકે ૪૭ રાઇફલ, એસએલઆર રાઇફલ, ઇન્સાસ રાઇફલ, કેલિબર ૩૦૩ રાઇફલ અને અન્ય હથિયારો મળી આવ્યા છે.બસ્તરના આઈજી પી સુંદરરાજે કહ્યું કે સુરક્ષા દળોએ શનિવારે સવારે એક્રાઉન્ટરમાં માર્યા ગયેલા અન્ય ત્રણ નક્સલવાદીઓના મૃતદેહ બહાર કાઢ્યા હતા. શુક્રવારે અબુઝહમદ વિસ્તારમાં સુરક્ષાદળો અને નક્સલવાદીઓ વચ્ચે ભીષણ અથડામણ થઈ હતી.