மகளிர் உரிமைத்தொகை போன்ற திட்டங்களை சிறப்பாக செயல்படுத்தி வரும் தமிழ்நாடு முதல்வர்

நெல்லை மாவட்ட பயனாளிகள் நெஞ்சார்ந்த நன்றி

கலைஞர் மகளிர் உரிமைத் திட்டத்தின் கீழ் மகளிர்களுக்கு மாதந்தோறும் ரூ.1000 பெறுவதற்கான வங்கி பரிவர்த்தனை அட்டைகளை பேரறிஞர் அண்ணா பிறந்த நாளான அன்று காஞ்சிபுரம் மாவட்டம், பச்சையப்பன் ஆடவர் கல்லூரியில் நடைபெற்ற விழாவில் தமிழ்நாடு முதலமைச்சர் மு.க.ஸ்டாலின் மகளிர்களுக்கு வழங்கி தொடங்கி வைத்தார்கள்.

தமிழ்நாடு முதலமைச்சர் கடந்த 27.03.2023 அன்று சட்டப்பேரவையில் கலைஞர் மகளிர் உரிமைத் திட்டம் தொடங்குவதற்கான அறிவிப்பை வெளியிட்டார்கள். தமிழகத்தில் சமூக நீதிக்காக செயல்படுத்தப்படும் திட்டங் களில், ஒரு கோடி குடும்பத் தலைவிகளுக்கு மாதந்தோறும் ஆயிரம் ரூபாய் வழங்கப்படும். இந்த வரலாற்றுச் சிறப்புமிக்க "கலைஞர் மகளிர் உரிமைத் திட்டம்” உருவாக்கப்பட்டது.

மேலும், கலைஞர் மகளிர் உரிமைத் திட்டத்தின் நோக்கம் பிரதிபலன் பாராமல் வாழ்நாளெல்லாம் ஓயாமல் உழைத்துக்கொண்டிருக்கும் பெண்களின் வாழ்வாதாரத்தை மேம்படுத்தி, வாழ்க்கைத் தரத்தை உயர்த்தி, சமூகத்தில் சுயமரியாதையோடு அவர்கள் வாழ்வதற்கு உறுதுணையாக இருக்க வேண்டும் என்ற சீரிய நோக்கத்திற்காக குடும்ப தலைவிகளுக்கு மாதம் ரூ.1000 உரிமைத் தொகையாக வழங்கிட தமிழ்நாடு அரசால் ‘கலைஞர் மகளிர் உரிமைத்திட்டம்'' செயல்படுத்தப்படுகிறது. பேரறிஞர் அண்ணா பிறந்த நாளான இன்று கலைஞர் மகளிர் உரிமைத் திட்டத்தின் கீழ் மாதந்தோறும் ரூ.1000 பெறுவதற்கான வங்கி பரிவர்த்தனை அட்டைகள் வழங்கப்பட்டது. கலைஞர் மகளிர் உரிமைத்திட்டத்தின் கீழ் பெறப்பட்ட விண்ணப்பங்கள் அனைத்தும் அரசிடம் உள்ள பல்வேறு தகவல் தரவு தளங்களில் உள்ள தகவல் களுடன் ஒப்பிட்டு சரிபார்க்கப் பட்டும் மற்றும் அரசு அலுவலர் களால் நேரடி கள ஆய்வுகளின் மூலம் சரிபார்க்கப்பட்டும், திட்ட விதிமுறைகளைப் பூர்த்தி செய்த 1.065 கோடி மகளிர் பயனாளிகளாகத் தேர்ந் தெடுக்கப்பட்டுள்ளனர்.