4ம் நாளாக தொடரும் போர் ஹமாஸ் தாக்குதலுக்கு இஸ்ரேல் பதிலடி-நிலை குலையும் காசா

இஸ்ரேல் ஹமாஸ் இடையேயான போர் இன்று 4வது நாளாக நடைபெற்று வருகிறது.

இந்த போரில் பலியானோர் 1,600 ஆக எண்ணிக்கை அதிகரித்துள்ளது. இஸ்ரேலில் ஹமாஸ் பயங்கரவாதிகள் நடத்திய தாக்குதலில் 900 கொல்லப்பட்டனர். இந்த தாக்குதலுக்கு பதிலடியாக காசா மீது இஸ்ரேல் நடத்திய தாக்குதலில் 700 பேர் உயிரிழந்தனர்.

இஸ்ரேல் மீது கடந்த 7ம் தேதி ஹமாஸ் பயங்கரவாதிகள் தாக்குதல் நடத்தினர். இந்த தாக்குதலில் இஸ்ரேலில் இதுவரை 900 பேர் கொல்லப்பட்டனர். இந்த தாக்குதலுக்கு பதிலடியாக காசா மீது இஸ்ரேல் தாக்குதல் நடத்தி வருகிறது. இதில் காசாவில் இதுவரை 700 பேர் உயிரிழந்தனர்.

இந்நிலையில், இஸ்ரேலில் இருந்து காசா முனைக்கு வழங்கப்பட்டு வந்த குடிநீர், மின்சாரம். எரிபொருள்,உணவு வினியோகம் நிறுத்தப்பட்டுள்ளது. காசா முனை முழுவதும் முடக்கப்படுவதாக இஸ்ரேல் அதிரடியாக அறிவித்துள்ளது.

போரை நாங்கள் தொடங்கவில்லை. ஆனால் போரை முடித்து வைப்போம் என்று இஸ்ரேல் பிரதமர் நெதன்யாகு தெரிவித்துள்ளார்.