சாமானிய மக்களின் வாழ்வாதாரத்தை மேம்படுத்தும் நோக்கில் விட்டுவசதி திட்டத்தை செயல்படுத்திய முதல்வர்

மதுரை மாவட்ட பயனாளிகள் புகழாரம்

குடிமக்களை அரவனைத்து நேர்மையான ஆட்சியை நடத்தும் அரசனை நம்பியே அனைத்து தரப்பு மக்களும் வாழ்வர் என்பது திருவள்ளுவரின் வாக்கு.

அதன்படி, தமிழ்நாடு முதலமைச்சர் அனைத்து தரப்பு மக்களும் பயன்பெறும் வகையில் சமூகநீதி கொள்கையோடு எல்லோர்க்கும் எல்லாம் என்ற நோக்கில் எண்ணற்ற மக்கள் நல திட்டங்களை செயல்படுத்தி வருகிறார்கள்.

அந்த வகையில், தமிழ்நாடு நகர்ப்புர வாழ்விட மேம்பாட்டு வாரியம் சார்பாக பொருளாதாரத்தில் மிகவும் பின்தங்கிய நிலையில் உள்ள மக்களுக்கு அடுக்குமாடி குடியிருப்புகள் வழங்கும் வகையில் அனைவருக்கும் வீட்டுவசதி திட்டத்தை செயல்படுத்தி வருகிறார்கள்.

இத்திட்டம் பொதுமக்களிடையே மிகுந்த வரவேற்பையும், பேராதரவையும் பெற்றுள்ளது.

முத்தமிழறிஞர் டாக்டர் கலைஞரால் கடந்த 1970ஆம் ஆண்டு தமிழ்நாடு குடிசைமாற்று வாரியம் ஒரு பொதுத்துறை நிறுவனமாக க தொடங்கப்பட்டது.

சென்னையிலுள்ள குடிசைப் பகுதிகளில் வசிக்கும் மக்களின் வாழ்க்கைத் தரத்தை மேம்படுத்த, அவர்களுக்கு அடிப்படை வசதிகள்கொண்ட குடியிருப்புகளைக் கட்டிக்கொடுப்பதுதான் இந்த வாரியத்தின் முதன்மையான நோக்கம். சென்னையில் மட்டும் செயல்பட்டு வந்த இந்தத் திட்டம், தொடர்ந்து தமிழகத்தின் மற்ற பகுதிகளிலுள்ள பெருநகரங்கள் தொடங்கி பேரூராட்சி வரை என்று அனைத்து மாவட்டங்களுக்கும் விரிவுப்படுத்தப்பட்டது.

வெறும் குடிசை வீடுகளை கான்கிரீட் வீடுகளாக மாற்றிக் கொடுப்பது மட்டும் இந்த வாரியத்தின் நோக்கம் கிடையாது. அங்கு வசிக்கும் மக்களுக்கு பாதுகாப்பு, நல்ல வாழ்வியல் சூழல், நல்ல குடிநீர், மின்சாரம் தொடங்கி அனைத்து வகையான வசதிகளும் கிடைக்கச் செய்வதும்தான். இந்த வாரியத்தின் மூலம் இதுவரை நான்கு லட்சத்துக்கும் அதிகமான வீடுகள் கட்டிக் கொடுக்கப்பட்டுள்ளன.