சமூக வலைத்தளம் வாயிலாக மத்திய அரசு திட்டங்களை தெரிந்து கொள்ள வேண்டும்

மண்டல இயக்குநர் லீலாமீனாட்சி வலியுறுத்தல்

தகவல் ஒலிபரப்பு அமைச்சகத் தின் கீழ் இயங்கும் மத்திய மக்கள் தொடர்பகத்தின் சார்பில் மத்திய அரசின் மக்கள் நலத்திட்டங்கள் குறித்த மூன்று நாள் புகைப்படக் கண்காட்சி சேலம் திருவாக்க வுண்டனூர் புறவழிச்சாலையில் உள்ள ஜி.வி.என் திருமண மண்டபத்தில் நடைபெறுகிறது.

இதற்கான தொடக்க விழா நேற்று நடைபெற்றது. மத்திய அரசின் மக்கள் நலத்திட்டங்கள் குறித்த விவரங்கள் இடம்பெற்றிருக்கும் புகைப்படக் கண்காட்சி மற்றும் பல்வேறு அரசுத்துறை அரங்குகள் இடம்பெற்றிருந்த கண்காட்சியை சேலம் மேற்கு தொகுதி சட்டப்பேரவை உறுப்பினர் இரா.அருள் ரிப்பன் வெட்டி தொடங்கி வைத்தார். இதனையடுத்து, புகைப்படக் கண்காட்சி மற்றும் அரங்குகளையும் அவர் பார்வையிட்டார்.

இதனைத் தொடர்ந்து நடைபெற்ற நிகழ்ச்சியில், மூன்று நாள் விழிப்புணர்வு நிகழ்ச்சிகளை மத்திய மக்கள் தொடர்பக மண்டல இயக்குநர் லீலா மீனாட்சி குத்துவிளக்கேற்றி தொடங்கி வைத்தார்.

பின்னர் நடைபெற்ற விழாவில், தருமபுரி கள விளம்பர அலுவலர் பிபின் எஸ்.நாத் வரவேற்றார். மண்டல இயக்குநர் லீலா மீனாட்சி நோக்க உரையாற்றினார்.