புதுவையில் பத்திரப்பதிவுக்கான இணைய வழி கட்டணம் செலுத்தும் சேவை: முதலமைச்சர் ரங்கசாமி துவக்கி வைத்தார்

வருவாய் மற்றும் பத்திரப் பதிவுத்துறை சார்பில் பத்திரப்பதிவின் போது தானியங்கி பட்டா மாற்றம் திட்ட சேவையை முதலமைச்சர் ரங்கசாமி சட்டசபையில் துவக்கி வைத்தார்.

புதுச்சேரி அரசின் வருவாய் துறையின் கீழ் இயங்கி வரும் நில அளவை மற்றும் பத்திரப்பதிவேடு துறைகளில் உள்ள செயல் பாடுகளை மேம்படுத்த மத்திய அரசின் திட்டமான நில பதிவேடுகள் நவீனமய மாக்கல் திட்டத்தின் கீழ் பல்வேறு நடவடிக்கைகள் எடுக்கப்பட்டு வருகின்றன.

இதன் மூலமாக மக்கள் சேவை சார்ந்த பணிகளை மின்மயமாக்குதல் மற்றும் நேரடி சேவை வழங்கிட மத்திய அரசு பல்வேறு அறிவுறுத்தல்களை வழங்கி வருகிறது. தற்போது நில அளவை பதிவேடுகள் அனைத்தும் கணினிமய மாக்கப்பட்டு நிலவரி திட்ட நகல், (செட்டில்மென்ட் நகல்) மற்றும் பட்டா காப்பி ஆகியவைகளை இணைய வழி மற்றும் பொது சேவை மையம் மூலம் வழங்கப் பட்டு வருகிறது.