ന്യൂഷിലാൻഡ്

ന്യൂസിലൻഡിന് കന്നിക്കിരീടം ദക്ഷിണാഫ്രിക്കക്ക് വീണ്ടും കിരീടകാത്തിരിപ്പ്

ദുബൈ: 2009ലും 2010ലും ഫൈനലിലും പിന്നീട് പലഘട്ടങ്ങളിലും നിർഭാഗ്യം വഴിമുടക്കിയതിനൊടുവിൽ മരുഭൂമിയിലെ ആകാശത്ത് സ്വപ്നരഥമേറി കിവി പെൺകൊടികളുടെ കിരീടയാത്ര. ടൂർണമെന്റിലെ ഏറ്റവും കരുത്തരായ ടീമുകളിലൊന്നായ ദക്ഷിണാഫ്രിക്കയെ 32 റൺസിന് മടക്കിയായിരുന്നു സോഫീ ഡെവിൻ നയിച്ച ന്യൂസിലൻഡിന് ട്വന്റി20 വനിത ലോകകപ്പിലെ കന്നിക്കിരീടം ഡെവിനൊപ്പം സുസി ബെയിറ്റ്സ്, ലീ തഹുഹു എന്നിവരടങ്ങിയ വെറ്ററൻ പടയും അമേലിയ കെർ അടങ്ങിയ ഇളമുറക്കാരും ചേർന്ന് നയിച്ച പോരാട്ടം ദുബൈ രാജ്യാന്തര ക്രിക്കറ്റ് സ്റ്റേഡിയത്തിൽ ശുഭപര്യവസാനം കുറിച്ചപ്പോൾ മറുവശത്ത്, കൈയെത്തും ദൂരത്ത് ഏറെയായി കൊതിപ്പിച്ചു കാത്തിരുന്ന കിരീടത്തിലേക്ക് കാത്തിരിപ്പ് മാത്രം ബാക്കി.