മുഹമ്മദൻസിനെ തകർത്ത് ബ്ലാസ്റ്റേഴ്സ് 3 - 0

ഐ.എസ്.എൽ

- നഹീമ പൂന്തോട്ടത്തിൽ

കൊച്ചി: തുടർച്ചയായ മൂന്നു തോൽവികൾ, ഡൈ ഹാർഡ് ഫാൻസിൽ നിന്നു പോലുമുള്ള ശകാര വാക്കുകളും പരിഹാസവും, ടീം മാനേജ്മെൻറിൽ നിന്നുള്ള കടുത്ത സമ്മർദം.. എല്ലാ നെഗറ്റിവുകളെയും സ്റ്റേഡിയത്തിലെ പുൽമൈതാനത്തിനു പുറത്തുനിർത്തി അവരിറങ്ങി. സ്വന്തം മുറ്റത്ത് എന്തുതന്നെ ചെയ്തിട്ടാണെങ്കിലും ജയമല്ലാതെ മറ്റൊന്നും വേണ്ടെന്നുറപ്പിച്ചിറങ്ങിയ കേരള ബ്ലാസ്റ്റേഴ്സിന് ഒടുവിൽ മുഹമ്മദൻസ് എസ്.സിക്കെതിരെ മൂന്നു ഗോളിന്റെ ഗംഭീര ജയം. 13 മ ത്സരങ്ങളിൽ 14 പോയന്റുള്ള ബ്ലാസ്റ്റേഴ്സ് കഴിഞ്ഞ ദിവസം കൈവിട്ട പത്താംസ്ഥാനം തിരിച്ചുപിടിച്ചു.