தலைமைச் செயலகத்தில் இன்று பரபரப்பு: பெரும் சத்தத்துடன் தரைத்தளத்தில் விரிசல் ஏற்பட்டதால் அதிர்வு!

நிலநடுக்கம் ஏற்பட்டதாக கருதி அரசு ஊழியர்கள் அச்சத்தில் ஒட்டம்

சென்னை தலைமைச் செயலகத்தில் முதல் மாடியில் தரைத்தள ஓடுகள் பயங்கர சத்தத்துடன் வெடித்து விரிசல் ஏற்பட்டதால் அதிர்வு ஏற்பட்டது. ஆனால் பூகம்பம் ஏற்பட்டதாகக் கருதி அரசு ஊழியர்கள் அனைவரும் அந்த கட்டிடத்தை விட்டு ஓட்டம் பிடித்தார்கள்.

இதனால் அங்கு பரபரப்பான நிலை ஏற்பட்டது. சென்னை புனித ஜார்ஜ் கோட்டை வளாகத்தில் சட்டசபையும் அமைந்துள்ளது. அதற்கு அருகே தலைமைச் செயலகமும் செயல்பட்டு வருகிறது. இந்த தலைமைச் செயலகம் 10 மாடிகளை கொண்டது. இந்த கட்டிடத்திற்கு நாமக்கல் கவிஞர் மாளிகை என்று பெயர். ஒவ்வொரு தளத்திலும் பல்வேறு அரசுத் துறைகளின் அலுவலகங்கள் இயங்கி வருகின்றன. 2 ஆயிரத்துக்கும் மேற்பட்ட ஊழியர்கள் வேலை செய்கிறார்கள்.