முன்விரோத தாக்குதல்களை தடுத்து நிறுத்த வேண்டும்!

தமிழகத்தில் தொடர்ந்து அதிகரித்து வரும் அ.தி.மு.க. நிர்வாகிகள் மீதான கொலை வெறித் தாக்குதல்களுக்கு கடும் கண்டனத்தை தெரிவித்துக் கொள்கிறேன்.

இனி அவதுகண்விழித்து முதல்வர் ஸ்டாலின் முன்விரோத தாக்குதல்களை தடுத்து நிறுத்த வேண்டுமென கேட்டுக் கொள்கிறேன் என்று அ.தி.மு.க. பொதுச் செயலாளர் எடப்பாடி பழனிசாமி கூறியுள்ளார்.

இதுதொடர்பாக அவர் வெளியிட்டுள்ள அறிக்கையில் கூறியிருப்பதாவது:

சிவகங்கை மாவட்டம், சிவகங்கை தெற்கு ஒன்றியம், மாத்தூர் ஊராட்சி, அ.தி.மு.க. நாட்டாக்குடி கிளைச் செயலாளர் ஆர். கணேசன் இன்று காலை 5 மணியளவில் வழக்கம் போல் தனது பெட்டிக் கடையை திறக்கச் சென்ற போது, அவரை மர்ம நபர்கள் வழிமறித்து வெட்டிப் படுகொலை செய்துள்ளனர். நாட்டாக்குடி கிராமத்தில் இரண்டு மாதங்களுக்கு முன்பு நடைபெற்ற கோயில் திருவிழா தொடர்பாக இரு தரப்பினருக்கும் இடையே முன்விரோதம் ஏற்பட்ட நிலையில், காவல்துறை தகுந்த நடவடிக்கை எடுத்திருந்தால் இப்படுகொலையை தடுக்கலாம்.