வாயுக்கசிவால் மீண்டும் 4 மாணவிகள் மயக்கம்!

பள்ளியில் பெற்றோர் முற்றுகை!!

திருவொற்றியூரில் வாயு கசிவு ஏற்பட்டு பள்ளியில் மீண்டும் 4 மாணவிகள் மயக்கமடைந்ததால் பெற்றோர் பள்ளியை முற்றுகையிட்டனர்.

திருவொற்றியூர் கிராம தெருவில் தனியார் பள்ளியில் கடந்த சில நாட்களுக்கு முன்பு ஒரு வித வாயு கசிவு ஏற்பட்டு மாணவ மாணவியர் 35க்கும் மேற்பட்டோர் இருமல், தொண்டை எரிச்சல், வாந்தி போன்ற உபாதைகளால் பாதிக்கப்பட்டு மருத்துவமனையில் அனுமதிக்கப்பட்டனர்.

இதுகுறித்து தகவல் அறிந்த அரசின் பல்வேறு துறை அதிகாரிகள் ஆய்வு செய்தனர். தேசிய பேரிடர் மீட்பு படையினர் அப்பள்ளியை ஆய்வு மேற்கொண்டனர்.

கடந்த சில நாட்களாக அந்த பள்ளிக்கு விடுமுறை விடப்பட்டிருந்தது. இன்று பள்ளி திறக்கப்பட்டது. பள்ளி தரப்பில் எந்தவித பிரச்சினையும் இல்லை. மாணவர்களுக்கு பாதுகாப்பு உள்ளது என ஒரு அறிக்கை ஒட்டப்பட்டிருந்தது.