தி.மு.க. - அ.தி.மு.க. ஆட்சித் திட்டங்கள்: எடப்பாடியின் சவாலை ஏற்ற உதயநிதி ஸ்டாலின்!

ஒரே மேடையில் விவாதிக்கத் தயார் என அறிவிப்பு!!

தி.மு.க. மற்றும் அ.தி.மு.க. ஆட்சித் திட்டங்கள் குறித்து ஒரே மேடையில் விவாதிக்க தயாராக இருப்பதாக துணை முதலமைச்சர் உதயநிதி ஸ்டாலின் அறிவித்தார். இது குறித்து எடப்பாடி பழனிசாமியின் சவாலை ஏற்பதாகவும் கூறினார்.

அ.தி.மு.க. பொதுச்செயலாளர் எடப்பாடி பழனிசாமி சமீப காலமாக தி.மு.க.வையும், முதலமைச்சர் மு.க. ஸ்டாலினை யும் கடுமையாக விமர்சனம் செய்து வருகிறார்.

அ.தி.மு.க. ஆட்சியில் கொண்டுவந்த திட்டங்களை மு.க.ஸ்டாலின் தலைமையிலான தி.மு.க. அரசு முடக்கி வைத்திருப்பதாக குற்றஞ்சாட்டி வருகிறார்.

சில நாட்களுக்கு முன்பு இதுகுறித்து ஒரு நீண்ட அறிக்கையை வெளியிட்டார்.

அதில் அ.தி.மு.க. கொண்டு வந்த கால்நடை பூங்கா திட்டம், ஏழைக் குடும்பப் பெண்களுக்கான தங்கத் தாலி வழங்கும் திட்டம் உள்ளிட்டவற்றை தி.மு.க. அரசு முடக்கி வைத்துள்ளது.

தேவையற்ற, மக்களுக்கு பயன்படாத பல திட்டங்களை அறிவித்து, அதற்கு கருணாநிதி பெயரை சூட்டுகின்றனர். அதனால் பல கோடி ரூபாய் அரசுப் பணம் வீணாகிறது என்றும் கூறியிருந்தார்.