வி.சி.க. துணைப் பொதுச் செயலாளர் ஆதவ் அர்ஜூனா, லாட்டரி அதிபர் மார்ட்டின் வீடுகளில் சோதனை!

சென்னை, கோவையில் அமலாக்கப்பிரிவு அதிகாரிகள் அதிரடி நடவடிக்கை!!

சென்னை, கோவை உள்ளிட்ட பல்வேறு இடங்களில் லாட்டரி அதிபர் மார்ட்டின், வி.சி.க. துணைப் பொதுச் செயலாளர் ஆதவ் அர்ஜூனா ஆகியோர் தொடர்புடைய இடங்களில் அமலாக்கத் துறை அதிகாரிகள் சோதனை நடத்தி வருகின்றனர்.

கடந்த 2012-ஆம் ஆண்டு மார்ச் மாதம் சென்னை நங்கநல்லூரைச் சேர்ந்த நாகராஜன் என்பவரது இல்லத்தில் மத்திய குற்றப்பிரிவு போலீஸார் நடத்திய சோதனையில் ரூ.7 கோடியே 20 லட்சத்து 5 ஆயிரம் கைப்பற்றப்பட்டது.

இது தொடர்பாக நடத்தப்பட்ட விசாரணையில், அந்தப் பணம் லாட்டரி அதிபர் மார்ட்டின் உள்ளிட்டோருடன் இணைந்து கேரளா மற்றும் மகாராஷ்டிராவில் லாட்டரி டிக்கெட் விற்பனை செய்ததன் மூலமாகத் திரட்டப்பட்ட தொகை என நாகராஜன் வாக்குமூலம் அளித்தார். இதையடுத்து நாகராஜன், மார்ட்டின், மார்ட்டினின் மனைவி லீமா ரோஸ் உள்ளிட்டவர்கள் மீது மத்திய குற்றப்பிரிவு போலீஸார் வழக்குப்பதிவு செய்தனர். இந்த வழக்கின் அடிப்படையில் அமலாக்கத் துறையும் சட்டவிரோத பணப் பரிமாற்றத் தடைச் சட்டத்தின்கீழ் வழக்குப் பதிவு செய்தது.