நாளை புயலாக உருமாறுகிறது!

29-ஆம் தேதி வரை மிக மிக பலத்த மழை; சமாளிக்க தமிழக அரசு நடவடிக்கை!!

வங்கக்கடலில் உருவாகியுள்ள குறைந்த காற்றழுத்த தாழ்வு நிலை மேலும் வலுவடைந்து ஆழ்ந்த மண்டலமாக மாறிவிட்டது. இது நாளை புயலாக உருவெடுக்கும் என கணிக்கப்பட்டுள்ளது. இந்த புயல் தமிழகத்தை நோக்கி வரும். ஆகவே தமிழ்நாட்டில் 29-ஆம் தேதி வரை மிக மிக பலத்த மழை பெய்யும் என்று எச்சரிக்கை விடப்பட்டுள்ளது. குறிப்பாக நாளை மிக மிக கனத்த மழை பெய்யும். இந்த மழையைச் சமாளிக்க தமிழக அரசும் முன்னெச்சரிக்கை நடவடிக்கைகளை எடுக்கத் தொடங்கி உள்ளது.

தமிழ்நாட்டில் வடகிழக்கு பருவ மழை அக்டோபர் 16-ஆம் தேதி தொடங்கியதாக வானிலை ஆய்வுமையம் அறிவித்தது. ஆனால் அதற்கு முன்னரே வங்கக்கடலில் குறைந்த காற்றழுத்தம் உருவானது. இதன் காரணமாக அக்டோபர் 14-ஆம் தேதி சென்னை மற்றும் சுற்றுவட்டார மாவட்டங்களில் மிக கன மழை பெய்தது.

அதன்பிறகு மழை சரியாக பெய்யவில்லை. சிறிது நாட்கள் கழித்து வங்கக்கடலில் புதிய புயல் உருவானது.

இது ஒடிசாவை நோக்கி சென்றுவிட்டது. அதனால் தமிழகத்தில் மழை இல்லை. இப்படியே அக்டோபர் கழிந்துவிட்டது.

ஆனால் காற்றின் சுழற்சி காரணமாக ஒரு சில இடங்களில் மட்டும் அவ்வப்போது மழை பெய்தது. அந்த வகையில் கோவை, திருப்பூர், மதுரை உள்ளிட்ட பகுதிகளில் கனமழை பெய்தது.

நவம்பர் மாதம் முற்பகுதியில் ஏற்பட்ட காற்றின் சுழற்சியின் காரணமாக டெல்டா மாவட்டங்களிலும், பின்னர் தென் மாவட்டங்களில் பரவலாக மழை பெய்தது. இராமநாதபுரம் மாவட்டத்தில் மிக கன மழை பெய்தது.