திபெத்தில் 53 பேர் பலி

வட இந்தியாவையும் நில நடுக்கம் உலுக்கியது!!

இமயமலையை ஒட்டியுள்ள பகுதியில் இன்று காலை 1 மணி நேரத்தில் அடுத்தடுத்து 6 பூகம்பங்கள் ஏற்பட்டன.

இதில் அதிக சக்திவாய்ந்த நிலநடுக்கம் 7.1 என ரிக்டர் அளவுகோலில் பதிவானது. திபெத்தில் 53 பேர் பலியாகி விட்டனர். இன்னும் முழுமையான தகவல் கிடைக்காததால் உயிரிழப்பு மேலும் அதிகரிக்க வாய்ப்புள்ளது என அஞ்சப்படுகிறது. சீனா, நேபாளம், வடக்கு மற்றும் வடகிழக்கு இந்தியாவையும் நிலநடுக்கம் உலுக்கியது.

இமயமலைப்பகுதி பூகம்ப அபாயம் நிறைந்தது என்பதை பூகோள ரீதியாக ஆய்வுகள் ஏற்கெனவே எடுத்துரைத்துள்ளன. தற்போது உள்ள இமயமலைப்பகுதி, பல பத்தாயிரம் ஆண்டுகளுக்கு முன் கடலாக இருந்தது என்பது தொடர்பான பதிவுகளும் வெளிச்சத்துக்கு வந்துள்ளன.

சீனா, திபெத், பாகிஸ்தான், ஆப்கானிஸ்தான், நேபாளம், பூட்டான், வடக்கு மற்றும் வடகிழக்கு இந்தியா நிலநடுக்கங்கள் அவ்வப்போது உலுக்கிவருகின்றன.

கடந்த 50 ஆண்டுகள் சார்ந்த புள்ளி விவரங்களை உன்னிப்பாக அலசினால் பூகம்பம் காரணமாக பல்லாயிரக்கணக்கானோர் பலியாகி உள்ளனர் என்பதை அறிய முடிகிறது.

இமயமலையின் அடிப்பகுதியில் உள்ள நிலத்தட்டுகள் சமச்சீரற்ற நிலையில் உள்ளன. இவை மேடு பள்ளமாக உள்ளதால் அவ்வப்போது நகர்ந்து உராய்வதால் நிலநடுக்கம் உச்சம் பெறுகிறது என வல்லுநர்கள் தெரிவித்துள்ளனர்.