திருப்பரங்குன்றம் போராட்டம்: தி.மு.க. ஆட்சிக்கு அபாயத்தை ஏற்படுத்த பா.ஜ.க. முயற்சி!

கலவரம் ஏற்படுத்தினால் இரும்புக் கரம் பாயும்; அமைச்சர் சேகர் பாபு கடும் எச்சரிக்கை!

திருப்பரங்குன்றம் போராட்டத்தின் மதவாதத்தை ஏற்படுத்தி கலவரத்தை மூலம் ஏற்படுத்த என் நினைத்தால் முதல்வர் ஸ்டாலின் இரும்புக் கரம் கொண்டு அடக்கத் தயாராக இருக்கிறார். பா.ஜ.க.விற்கு அமைச்சர் சேகர் பாபு கடும் எச்சரிக்கை விடுத்தார்.

சென்னை, ஓட்டேரி, ஆதி படவேட்டம்மன் கோயிலில் ரூ.1.80 கோடி மதிப்பீட்டில் நடைபெற்று வரும் திருப்பணிகளை இந்து சமய அறநிலையத் துறை அமைச்சர் சேகர் பாபு பார்வையிட்டு செய்து, பணிகளை விரைந்து முடித்திட அலுவலர்களுக்கு அறிவுரைகளை வழங்கினார்.

பின் நிருபர்களுக்கு பேட்டி அளித்த அவர் கூறியதாவது:

இந்த அரசு ஏற்பட்டபின், துவரை 2,504 குடமுழுக்குகள் நடத்தப்பட்டுள்ளதோடு, வருகின்ற 9 மற்றும் 10 தேதிகளில் 71 திருக்கோயில்களுக்கு குடமுழுக்கு நடைபெற இருக்கின்றன. ஆயிரம் ஆண்டுகளுக்கு மேற்பட்ட திருக்கோயில்களை புனரமைத்து பாதுகாத்திட அரசு ரூ.300 கோடியை மானியமாக வழங்கியுள்ளதோடு, கோயில் மற்றும் உபயதாரர்கள் நிதி ரூ.131 கோடியையும் சேர்த்து ரூ.431 கோடி மதிப்பீட்டில் 274 கோயில்களில் திருப்பணிகள் மேற்கொள்ளப்பட்டு வருகின்றன.

இன்று ஆய்வு செய்யப் ஓட்டேரி, பட்ட ஆதி படவேட்டம்மன் கோயிலில் ரூ.1.80 கோடி மதிப்பீட்டில் மேற்கொள்ளப்பட்டு வரும் திருப்பணிகளில் உபயதாரர்கள் மட்டும் ஒரு கோடி ரூபாய் மதிப்பிலான பணிகளை மேற்கொள்கின்றனர்.

திருப்பரங்குன்றம் மலை குறித்த போராட்டத்தில் ஈடுபட்டவர்களை தயவு செய்து இந்து அமைப்பினர் என்று குறிப்பிட வேண்டாம். எங்களுடைய கண்ணோட்டத்தை பொறுத்தளவில் அதில் முழுக்க ஈடுபட்டவர்கள் பாரதிய ஜனதா கட்சியினர் என்று தான் நான் குற்றம் சாட்ட விரும்புகிறேன்.