‘લેન્ડ ફોર જોબ’ કૌભાંડમાં હવે લાલુપ્રસાદ યાદવની પણ પૂછપરછ

સોમવારે રાબડીદેવીની ચાર કલાક પૂછપરછ કરી હતી

નવી દિલ્હી, મંગળવાર

સોમવારે સીબીઆઇએ પટણામાં બિહારનાં પૂર્વ મુખ્યપ્રધાન રાબડીદેવીની ‘લેન્ડ ફોર જોબ' કૌભાંડમાં પૂછપરછ કરી હતી, જ્યારે આજે આ જ કૌભાંડમાં લાલુપ્રસાદ યાદવની પૂછપરછ સીબીઆઈ દ્વારા શરૂ કરાઈ હતી. લાલુ યાદવ હાલ દિલ્હીમાં છે ત્યારે સીબીઆઇ તેમના દિલ્હી સ્થિત નિવાસસ્થાને પહોંચી ગઈ હતી. સીબીઆઈએ લેન્ડ ફોર જોબ કૌભાંડની પૂછપરછ માટે લાલુ યાદવને સમન્સ મોકલ્યા છે.