ઉત્તરાયણ પર્વનું કાઉન્ટડાઉન શરૂઃ પતંગબાજોએ આ વખતે પેચ લડાવવા ખિસ્સાં હળવાં કરવાં પડશે

પતંગ બતાવવા માટે વપરાતાં લાકડી, કાગળ મોંઘા થતાં અને મજૂરી વધી હોવાના કારણે પતંગના ભાવમાં પણ વધારો નોંધાયો

વિશ્વભરમાં જાણીતો ગુજરાતનો ઉત્તરાયણનો તહેવાર હવે નજીક આવી રહ્યો છે ત્યારે શહેરનાં બજાર હવે પતંગ અને દોરીથી છલકાઈ રહ્યાં છે. હાલ ઉત્તરાયણના પર્વની તડામાર તૈયારીઓ શરૂ થઈ ગઈ છે. બજારમાં અવનવા રંગેબેરંગી પતંગ જોવા મળી રહ્યા છે. બજારમાં આવેલા મોટા પતંગ સાથે આ વર્ષે ખાસ નાની સાઇઝના અને ડિઝાઇનર પતંગ પણ લોકપ્રિય બની રહ્યા છે, એક તરફ ડેકોરેટિવ પતંગનું પૂજા, ધાબા, ઓફિસ અને શો-રૂમના ઉપયોગ માટે વેચાણ થઇ રહ્યું છે તો પતંગબાજોના અલગઅલગ ડિઝાઇનના લોકપ્રિય પતંગનું પણ વેચાણ થઇ રહ્યું છે, જોકે આ વર્ષે પતંગબાજોએ ઉત્તરાયણમાં પતંગ ચગાવવાની મજા માણવા કે પેચ લડાવવા માટે ખિસ્સાં હળવાં કરવાં પડશે.