એલર્ટઃ ભીડવાળી જગ્યા, રેલવે સ્ટેશન, બસ સ્ટેન્ડ પાસે મોબાઈલ ફોન સાચવજો

શહેરમાં વીસથી વધુ મોબાઈલ ફોન ચોરીની ફરિયાદો નોંધાઈઃ મોબાઈલ ચોરી કરતી અનેક ગેંગ શહેરમાં સક્રિય

અમદાવાદ, શુક્રવાર

ભીડભાડવાળી શહેરમાં જગ્યા પર મોબાઇલ ચોરી કરતી અનેક ટોળકીઓ સક્રિય થઇ છે. જે તમારી નજર ચૂકવીને ગણતરીની મિનિટોમાં મોબાઇલ ચોરી કરીને નાસી જાય છે. શહેરનાં વિવિધ પોલીસ સ્ટેશનમાં મોબાઇલ ચોરીના ૨૦થી વધુ ગુના ગઇ કાલે દાખલ થયા છે. જેમાં પોલીસે મોબાઇલ ચોરને પકડી પાડવા માટે ચક્રો ગતિમાન કર્યાં છે. રેલવે સ્ટેશન, બસ સ્ટેન્ડ તેમજ જાહેર જગ્યા પરથી મોબાઇલ ફોન ચોરી થઇ હોવાની અનેક ફરિયાદો નોંધાઇ છે. મોબાઇલ ચોરી કરતી ગેંગ એક સાથે ચોરેલા મોબાઇલ ફોન ભેગા કરે છે અને બાદમાં ગુજરાતના અંતરિયાળ ગામડાં તેમજ અન્ય રાજ્યોમાં વેચી દેતા હોય છે.