ખાટાં લીંબુનો સ્વાદ હવે કડવો થયો: કિલોદીઠ ભાવ રૂ. ૨૦૦એ પહોંચ્યો

ઉનાળાની શરૂઆતે જ લીંબુના ભાવ આસમાને જતાં ગૃહિણીઓનું કિચન બજેટ ખોરવાયું

અમદાવાદ, શુક્રવાર

રાજ્યભરમાં વારંવાર થતા માવઠાના માહોલ બાદ હવે થોડી ગરમી અને થોડી ઠંડકની બેવડી ઋતુ ચાલી રહી છે. ઉનાળાની ગરમીની હજુ તો શરૂઆત જ થઇ છે ત્યારે બજારમાં શાકભાજીથી લઈને વિવિધ વસ્તુઓના ભાવમાં વધારો જોવા મળી રહ્યો છે. હાલમાં બજારમાં મળી રહેલાં ખાતાં લીંબુનો સ્વાદ વધેલા ભાવના કારણે કડવો બની રહ્યો છે. લીંબુનો ભાવ એક કિલોએ રૂ. ૨૦૦ને આંબી ગયો છે, તેમાંય હજુ જેમ ગરમી વધશે તેમ લીંબુના ભાવમાં પણ વધારો થતાં લીંબુ ગૃહિણીઓનું કિચન બજેટ ખોરવી નાખશે.