દેશમાં કોરોના ખતરનાક સ્તરેઃ ૩,૬૪૧ નવા કેસ, એક્ટિવ કેસ વધીને ૨૦ હજારને પાર

એક જ સપ્તાહમાં કોરોનાએ ડબલ છલાંગ લગાવી: ચોથી લહેરના ભણકારા

નવી દિલ્હી, સોમવાર

દેશમાં કોરોના સંક્રમણ દિન-પ્રતિદિન ખતરનાક બની રહ્યું છે. મહામારીને ત્રણ વર્ષ વીતી ચૂક્યાં હોવા છતાં હજુ ખતરો સંપૂર્ણપણે ટળ્યો નથી. દેશનાં જુદાં જુદાં રાજ્યોમાં સંક્રમણ જેટ સ્પીડે વધી રહ્યું છે. કેન્દ્રીય આરોગ્ય મંત્રાલયના સત્તાવાર ડેટા અનુસાર દેશમાં છેલ્લા ૨૪ કલાકમાં કોરોનાના ૩,૬૪૧ નવા કેસ સામે આવ્યા છે. આ સાથે એક્ટિવ કેસ વધીને ૨૦ હજારને પાર એટલે કે ૨૦,૨૧૯ થઈ ગયા છે. છેલ્લા ૨૪ કલાકમાં કોરોનાના કારણે વધુ સાત સંક્રમિતોએ જીવ ગુમાવતાં કુલ મૃત્યુઆંક વધીને ૫,૩૦,૮૯૨ થયો છે.