નરેન્દ્ર મોદી મેડિકલ કોલેજને ૧૮૫ પીજી સીટની મંજૂરી મળી

પેરામેડિકલ કોર્સ માટે વર્ષ ૨૦૨૩-૨૪માં કુલ ૧૩૫ સીટની માન્યતા મળી છે

અમદાવાદ, બુધવાર

મ્યુનિસિપલ કોર્પોરેશન મેડિકલ એજ્યુકેશન ટ્રસ્ટ દ્વારા સંચાલિત નરેન્દ્ર મોદી મેડિકલ કોલેજને વર્ષ ૨૦૨૩-૨૪માં કુલ ૧૮૫ પીજી સીટની મંજૂરી અપાઈ છે, જે સાત વર્ષના ટૂંકા ગાળામાં કોઈ મેડિકલ કોલેજને ૧૮૫ પીજી સીટની મંજૂરી મળી હોય તેનો આ એક રેકોર્ડ છે.

આ અંગે વધુ વિગત આપતાં મ્યુનિસિપલ હોસ્પિટલ મિટીના ચેરમેન પરેશ પટેલ વધુમાં કહે છે કે નરેન્દ્ર મોદી મેડિકલ કોલેજ સંલગ્ન શેઠ એલજી જનરલ હોસ્પિટલ કે જે અમદાવાદની નામાંકિત હોસ્પિટલ પૈકીની ૧૨૦૦ બેડ ધરાવતી હોસ્પિટલ છે, જ્યાં જુદા જુદા ડિપાર્ટમેન્ટની દરરોજની ઓપીડી કેજ્યુલિટીમાં આશરે ૩૫૦૦થી વધુ દર્દીને સારવાર આપવામાં આવે છે.