ફળ અને શાકભાજીને ધોવાની યોગ્ય રીત જાણો

એક વખત પાણીથી ધોયેલા ખાદ્યપદાર્થોમાંથી બેક્ટેરિયા કે કીટનાશકો દૂર થતા નથી. તે ખાદ્યજનિત રોગોને દૂર કરવા માટે પર્યાપ્ત નથી

શાકભાજી અને ફળ ખાવાં હેલ્થ માટે ખૂબ જ સારાં છે, પરંતુ જો તે ધોયા વગર ખાવામાં આવે તો તે બીમાર પણ પાડી શકે છે. મોટા ભાગનાં ભારતીય ઘરોમાં લોકો બજારમાંથી લાવેલાં તાજાં શાકભાજી કે ફળને માત્ર એક વખત ધોઇને ફ્રીઝમાં રાખી દે છે, પછી આખું અઠવાડિયું તેમાંથી ઉપયોગ કર્યા કરે છે. શું તમે જાણો છો કે એક વખત પાણીથી ધોયેલા ખાદ્યપદાર્થોમાંથી બેક્ટેરિયા કે કીટનાશકો દૂર થતા નથી. તે ખાદ્યજનિત રોગોને દૂર કરવા માટે પર્યાપ્ત નથી. જો તમે પણ આમ કરી રહ્યાં હો તો તાત્કાલિક તમારી આદતને બદલો.