દરિયાપુરના તૂટી પડેલા મકાનને ‘ભયજનક’ની નોટિસ ફટકારાઈ હતીઃ મ્યુનિસિપલ તંત્રનો દાવો

૧૬ જૂને નોટિસ આપી તેની યાદી સ્થાનિક પોલીસ સ્ટેશનને અપાઈ હતી

અમદાવાદ, ગુરુવાર

ગયા મંગળવારે શહેરમાં નીકળેલી દરમિયાન ૧૪૬મી રથયાત્રા કડિયાનાકા વિસ્તારમાં આવેલા મકાનનો સ્લેબ ધડાકાભેર તૂટી પડતાં એક યુવકનું ગંભીર ઈજા થવાથી મોત નીપજ્યું હતું, જ્યારે ૧૩ વર્ષની ઉંમરનાં સાત બાળકો સહિત ૩૦થી વધુ લોકો ઈજાગ્રસ્ત થયા હતા. રથયાત્રા સમયે આવી દુર્ઘટના સર્જાતાં ભારે વિવાદ ઊઠ્યો છે. વિપક્ષ મ્યુનિ. કોંગ્રેસ દ્વારા આ માટે મ્યુનિ. એસ્ટેટ વિભાગને જવાબદાર ગણીને જે તે અધિકારી-કર્મચારી સામે કડક કાર્યવાહી કરવાની માગણી કરી છે, જ્યારે એસ્ટેટ વિભાગે એવો દાવો કર્યો છે કે આ મકાનને ભયજનક હોવા અંગેની ચેતવણી અપાઈ હતી.