ધો.૧૦ની પૂરક પરીક્ષાનું ૨૬.૬૫ ટકા પરિણામ

૧,૫૩,૩૯૪ વિધાર્થીઓએ પરીક્ષા આપી હતી તે પૈકી ૪૦,૮૮૦ પાસ થયા

અમદાવાદ, શુક્રવાર

ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ દ્વારા જુલાઈ-૨૦૨૩માં લેવાયેલી ધોરણ-૧૦ની પૂરક પરીક્ષાનું આજે ૨૬.૬૫ ટકા પરિણામ જાહેર થયું છે. ગુજરાત માધ્યમિક અને ઉચ્ચતર માધ્યમિક શિક્ષણ બોર્ડની વેબસાઈટ www.gseb.org તેમજ વોટ્સઅપ ૬૩૫૭૩૦૦૯૭૧ નંબર પરથી આજે વિદ્યાર્થીઓ તેમનું પરિણામ જોઈ શકે છે. આ પરીક્ષામાં પાસ થયેલા ૪૦,૮૮૦ વિદ્યાર્થીઓ આ વર્ષે જ ધો-૧૧ અને વિવિધ ડિપ્લોમા કોર્સીસની સંસ્થાઓ કે કોલેજમાં વિવિધ વિદ્યાશાખાઓમાં પ્રવેશ મેળવી શકશે અને તેમનું વર્ષ બગડતું અટકશે.