અમદાવાદીઓ, જો ઈ-મેમો ના ભર્યો હોય તો ચેતી જજો

ચારથી વધુ ઈ-મેમો તહીં ભરાયા હોય તો એક તોટિસ બાદ લાઈસન્સ સસ્પેન્ડ

અમદાવાદીઓ ઇ-મેમો ના ભર્યો હોય તો ચેતી જજો, કારણ કે વર્ષ દરમિયાન અમદાવાદમાં ૫૦ હજારથી વધુ વાહનચાલકોને એસએમએસથી ઇ-મેમો ભરવાની જાણ કરવામાં આવે છે. ચારથી વધુ ઈ-મેમો નહીં ભરનારા અનેક વાહનચાલકોનાં લાઈસન્સ રદ કરવામાં આવ્યાં છે. ટ્રાફિક પોલીસે QR કોડ અને ઓનલાઈન પેમેન્ટ કરવાની પણ વ્યવસ્થા ઉપલબ્ધ રાખી છે. હવે ફરી એક વાર આવા વાહનચાલકોને ઝડપથી દંડ ભરવા માટે સૂચિત કરાયા છે, પરંતુ કેટલાક વાહનચાલકો અત્યંત બેદરકારીભર્યું વર્તન દાખવે છે.

હવે આવા વાહનચાલકોને આવી બેદરકારી મોંઘી પડવાની છે. ટ્રાફિક નિયમનો ભંગ કરનાર વાહનચાલકો મેમો ભરતા નથી અથવા અવગણે છે તેવા વાહનચાલકોને મોટી સંખ્યામાં ઈ-ચલણ ફટકારવામાં આવ્યાં છે. તેમણે તેમાંથી એક પણ ચલણ નહીં ભરતાં હવે તેમની સામે કડક કાર્યવાહી કરવામાં આવી રહી છે. ચારથી વધુ ઈ-ચલણ નહીં ભરનારા વાહનચાલકોનાં ડ્રાઈવિંગ લાઇસન્સ સસ્પેન્ડ કરવાની કડક કાર્યવાહી હાથ ધરવામાં આવી રહી છે.