ગુંડાગીરી છોડી જ દો, નહીં તો શહેર છોડો!

પાંચ હજારથી વધુ ક્રિમિનલને ભેગા કરી પોલીસ હવે તાકાત' બતાવશે

ગુનાખોરીને કંટ્રોલ કરવા પોલીસનું ઐતિહાસિક પગલું: તમામ ક્રિમિનલને કડક ભાષામાં સમજાવી દેવાશે

એક સમય હતો જ્યારે પોલીસનું નામ સાંભળતાંની સાથે જ ખૂંખાર ક્રિમિનલ થરથર કાંપતા હતા, પરંતુ હવે સમય બદલાઇ ગયો છે. ઘાતક હથિયારો બતાવીને ગુનેગારો પોલીસને ઘટનાસ્થળેથી ભગાડી રહ્યા છે. જાણે કે ગુનેગારોમાં પોલીસનો ડર નથી રહ્યો તેવું લાગી રહ્યુ છે, જેના કારણે ગુનાખોરીનો ગ્રાફ વધવા લાગ્યો છે.

પોલીસ હવે પોતાના ઓરિજનલ રૂપમાં આવી ગઇ છે અને ટપોરીઓ થી લઇને ખૂંખાર ગુનેગારો સામે લાલ આંખ કરી રહી છે. ક્રાઇમ કંટ્રોલ માં આવે તે માટે પોલીસ ઇતિહાસમાં પહેલી વખત પાંચ હજારથી વધુ નાના-મોટા ગુનેગારોને એકસાથે બોલાવીને તેમનું અસલી રૂપ બતાવવાની છે. બાપ એ બાપ કહેવાય તે સારી ભાષામાં સમજાવવા માટે ક્રિમિનલોને એકસાથે એકત્રિત ક૨વાનો પ્લાન પોલીસે બનાવી લીધો છે. આવનારા દિવસોમાં પોલીસ દ્વારા ક્રિમિનલ સાથે મિટિંગનું આયોજન કરાયું છે અને તેમાં ક્રાઇમ બ્રાંચ સહિતની એજન્સીઓ હાજર રહેશે.