‘ખોખરા બંધ'ના એલાનને મિશ્ર પ્રતિસાદઃ પોલીસ સ્ટેન્ડ બાય

ડીસીપી, એસીપી, પીઆઈ સહિતનો કાફલો ખોખરામાં તહેનાતઃ બાબાસાહેબની પ્રતિમાને ખંડિત કરનારા આરોપીઓ ન પકડાતાં લોકોમાં ભારે રોષની લાગણી

ખોખરા વિસ્તારમાં ડો. બાબાસાહેબ ભીમરાવ આંબેડકરની પ્રતિમાને ખંડિત કરીને શાંતિનો માહોલ બગાડવાની કોશિશ કરનાર તત્ત્વો પોલીસ પકડથી બહાર છે, જેના લીધે લોકોમાં રોષ જોવા મળી રહ્યો છે. આ ઘટનાને લઇ કેટલાક સામાજિક આગેવાનો તેમજ રાજકીય પક્ષોએ આજે બંધનું એલાન પણ આપ્યું હતું. આ બંધના એલાનના પગલે મિશ્ર પ્રતિસાદ જોવા મળી રહ્યો છે, જેમાં ૬૦ ટકા દુકાન તેમજ રોજગાર ચાલુ છે, જ્યારે ૪૦ ટકા લોકોએ બંધ પાળ્યો છે. બંધના એલાન દરમિયાન કોઇ અનિચ્છનીય બનાવ બને નહીં તે માટે પોલીસ સ્ટેન્ડ બાય છે. ડીસીપી, એસીપી, પીઆઇ સહિત પોલીસનો કાફલો તહેનાત કરી દેવામાં આવ્યો છે.