મહાકુંભમાં જઈ રહેલી બોલેરો મેળામાંથી આવી રહેલી બસ સાથે ટકરાઈ: ૧૦ શ્રદ્ધાળુનાં મોત

ગેસ ગટરથી કાપીને મૃતદેહ બહાર કઢાયાઃ ૧૯ શ્રદ્ધાળુઓ ઘાયલ

- 

યુપીના પ્રયાગરાજમાં ગઈ કાલ મોડી રાતના લગભગ ૨.૩૦ વાગ્યે બોલેરો સામેથી આવી રહેલી એક બસ સાથે અથડાઈ હતી. આ અકસ્માતમાં ૧૦ લોકોનાં મૃત્યુ થયાં હતાં અને ૧૯ જેટલા ઘાયલ થયા છે. જીવ ગુમાવનારા તમામ લોકો બોલેરોમાં સવાર હતા. તેઓ છત્તીસગઢના કોરબા જિલ્લામાંથી મહાકુંભ જઈ રહ્યા હતા, જ્યારે બસ મહાકુંભમાંથી પરત ફરી રહી હતી. આ અકસ્માત પ્રયાગરાજ-મીરજાપુર હાઈવે પરના મેજા વિસ્તારમાં સર્જાયો હતો.

મૃત્યુ પામનાર તમામ લોકો બોલેરોમાં સવાર હતા, જ્યારે બસના મુસાફરો પણ ઘાયલ થયા હતા. આ બસ પ્રયાગરાજથી મધ્યપ્રદેશ જઈ રહી હતી. આ અકસ્માત એટલો ભયાનક હતો કે બોલેરોના આગળના ભાગના ટુકડેટુકડા ગયા હતા અને ભક્તો રસ્તા પર ફેંકાયા હતા, જે પૈકી કોઈનો હાથ ભાંગી ગયો હતો તો કોઈનું માથું ફૂટી ગયું હતું અને ઘણા લોકો બોલેરોમાં ફસાઈ ગયા હતા. બોલેરોમાંથી તમામ મૃતદેહને બહાર કાઢતાં લગભગ અઢી કલાક જેટલો સમય થયો હતો.