తరతరాల సయోధ్య అయోధ్య

దివ్య భవ్య రామ పథం రేపు భక్తి పూర్వక ప్రాణ ప్రతిష్ఠ కార్యక్రమం ప్రధాని మోడీ చేతుల మీదుగా రామాలయ ప్రారంభం

22 జనవరి 2024 ఉషోదయ భానుడి కిరణాలు తొంగి చూస్తున్న శుభ వేళ సూర్యవంశ అయోధ్య శ్రీ రాముడిని దివ్యమైన, భవ్యమైన గర్భగుడిలో భక్తిపూర్వక ప్రాణ ప్రతిష్ట, ప్రారంభోత్సవం చేయడానికి మన ప్రధానమంత్రి నరేంద్ర మోడీ రానున్న విషయం భారతీయులకు అందరికీ పరమానందాల్ని తోడ్కొని వస్తున్నది. దేశ స్వాతంత్య్రానంతరం నిర్మించిన అత్యద్భుతమైన అతి పెద్ద మందిరంగా శ్రీరాముడి జన్మ స్థలం అయోధ్యలో భరతవంశాకురం రామయ్య కొలువు తీరనున్నారనే వార్త హిందూ బంధువులతో పాటు అందరినీ పులకరింపులకు గురిచేస్తున్నది. మరిన్ని వివరాలలోకి వెళితే....

ప్రతి ప్రదేశం... దేవాలయం సనాతన సాంప్రదాయ ఆచార వ్యవహారాలను తరతరాలుగా జీవ నదిలా ప్రవహింప జేస్తున్నాయి. ఆధ్యాత్మిక పరిమళాలనద్దుతున్నాయి. భారతదేశమంటే దేవతలు 'మనుషులు'గా నడయాడి అనేక జీవన సూత్రాలను, జీవిత సంప్రదాయాలను వేల సంవత్సరాలుగా జాతికందిస్తున్నాయి... సుసంపన్న చేస్తున్నాయి. ప్రపంచ దేశాలలో లేని ఓ ఆధ్యాత్మిక పరంపర భారతీయ ఆత్మకు మాత్రమే సొంతం. అనుసృతమైన వేద ఉపనిషత్తు సారాంశాల జనజీవన స్రవంతిలో మిళితమై ఉన్నాయి. వాటిని కాపాడుకొనే క్రమంలో 'కుంభమేళాలు' ప్రసిద్ధి దేవాలయాల నిర్మాణాలు...పునర్నిర్మానాలు వంటివి జరుగుతున్నాయి. వీటి వెనుక ఓ రాజకీయ కోణంను విశ్లేషించే వర్గం వారున్నారు.ప్రజాస్వామ్యయుత దేశంలో ఇది తప్పదు. కానీ... ఎన్నెన్నో సమస్యలు, సంఘటనలను ప్రభుత్వాలతో సమ్మేళనమైన వర్తమానములో ప్రతి చిన్న అంశాన్ని' తమ రాజకీయ స్వప్రయోజనాల కోసం ఓ పనిముట్టుగా వాడుకునే పార్టీలు ఉన్నాయి. ఆధ్యాత్మిక సాంప్రదాయాలు, దేవాలయాలు.. వాటి చుట్టూ ఉన్న అనేకానేక ప్రాంతాలు కొన్ని వేల సంవత్సరాలుగా జాతి పునర్జీవనానికి ర్జీవన నీకి నిరంతరం ప్రేరణత్మకమైన కథనాలను అందిస్తున్నాయి చరిత్ర వేద సాహిత్యం వంటివి వీటిని వివరిస్తున్నాయి. కాశీ అయోధ్య ద్వారక, చతుర్ధామాలు వంటివి ఈ కోవలోకనే ఈ కోవలోకే వస్తాయి.