ఇంటిపోరు కారణంగా పార్టీని వీడిన మాజీ ఐఏఎస్ అధికారి

• అధికారిగా సమర్ధుడే... కానీ అంతర్గత రాజకీయాల్లో నెట్టుకు రాలేకపోయారు • విబేధాల పరిష్కారానికి ప్రయత్నించని వైసీపీ

ఏపీ స్టేట్ బ్యూరో, సూర్య ప్రధాన ప్రతినిధి : కూటమి ప్రభుత్వం అధికారంలోకి వచ్చిన తరువాత వైసీపీకి రాజీనామా చేసే నాయకుల సంఖ్య క్రమంగా పెరుగుతోంది. ఎక్కువ మంది నేతలు కూటమి వేధింపులు భరించలేక బీజేపీ, జనసేనలో చేరుతున్నారు. మరి కొందరు వైసీపీ అధికారంలో ఉన్న సమయంలో టీడీపీని రాజకీయంగానే విమర్శలు చేశారు. వారెవరూ వ్యక్తిగతంగా టీడీపీ ముఖ్య నాయకులపై విమర్శలు చేయకపోవడంతో అటువంటి వారికి టీడీపీలో చేర్చుకుంటున్నారు. ఉప ముఖ్యమంత్రిగా పని చేసిన అళ్ల నాని టీడీపీ నేతలనెవరినీ వ్యక్తిగతంగా టార్గెట్ చేయకపోవడంతో స్థానిక నేతలు వ్యతిరేకించినా ముఖ్యమంత్రి చంద్రబాబు అయన్ను చేర్చుకునేందుకు అంగీకరించారు. ఎన్నికలకు ముందు వైసీపీలో చేరిన నాయకులకు స్థానికంగా మద్దతు లేకపోవడం, వారి నుంచి సరైన సహకారం లేకపోవడంతో నియోజకవర్గ ఇన్ఛార్జి బాధ్యతలు నిర్వహించలేకపోతున్నారు. ఈ బాధలు పడలేక పార్టీకి గుడ్ బై చెబుతున్నారు. వీరిలో మాజీ ఐఏఎస్ అధికారి ఇంతియాజ్ ఒకరు. రెండు రోజుల క్రితం పార్టీకి రాజీనామా చేయడంతోపాటు రాజకీయాలకు దూరంగా ఉంటానని ప్రకటించారు. వివరాలివి.