நட்டஈட்டை செலுத்தினார் பூஜித் ஜயசுந்தர

2019ஆம் ஆண்டும் ஏப்ரல் 21ஆம் திகதி இடம்பெற்ற பயங்கரவாத தாக்குதல் தொடர்பான வழக்கில், பாதிக்கப்பட்ட தரப்பினருக்குச் செலுத்துமாறு உயர் நீதிமன்றத்தால் உத்தரவிடப்பட்ட 75 மில்லியன் ரூபாய் இழப்பீட்டுத் தொகையை முன்னாள் பொலிஸ் மா அதிபர் பூஜித் ஜயசுந்தர செலுத்தியுள்ளார்.

அவர், கடந்த ஆகஸ்ட் 30ஆம் திகதி அந்த தொகையைச் செலுத்தியுள்ளதுடன், முழுத் தொகையையும் 8 தவணைகளில் செலுத்தியுள்ளதாகத் தெரிவிக்கப் படுகின்றது.

இதேவேளை, ஈஸ்டர் ஞாயிறு பயங்கரவாத தாக்குதல் தொடர்பில் முன்னாள் ஜனாதிபதி மைத்திரிபால சிறிசேனவுக்கு விதிக்கப்பட்ட 100 மில்லியன் ரூபாய் இழப்பீடு ஆகஸ்ட் 16ஆம் திகதி செலுத்தி முடிக்கப்பட்டிருந்தது.