ஹட்டன் - மல்லியப்பில் கோர விபத்து; சாரதிக்கு விளக்கமறியல்

விபத்துக்குப் பின்னர் CCTV பதிவுகள் அழிப்பு சாரதி அலைபேசியில் இருந்ததாக தகவல் காயமடைந்தோருக்கு தொடர்ந்தும் சிகிச்சை

ஹட்டன் - மல்லியப்பு பிரதேசத்தில் சனிக்கிழமை (21) இடம்பெற்ற தனியார் பேருந்து விபத்தில் காயமடைந்து பொலிஸ் பாதுகாப்பில், டிக்கோயா-கிளங்கன் வைத்தியசாலையில் சிகிச்சை பெற்று வரும் சாரதியை இம்மாதம் 26ஆம் திகதி வரை விளக்கமறியலில் வைக்குமாறு ஹட்டன் நீதவான் நீதிமன்ற பதில் நீதவான் எஸ். ராம்மூர்த்தி, ஞாயிற்றுக்கிழமை (22) உத்தரவிட்டுள்ளார்.

வைத்தியசாலைக்குச் சென்ற பதில் நீதவான், சந்தேக நபரான சாரதியின் நிலைமை தொடர்பில் வைத்தியர்களிடம் கேட்டறிந்து, கொண்டதன் பிள்ளரே இந்த உத்தரவு பிறப்பிக்கப்பட்டுள்ளது.

ஹட்டன் - மல்லியப்பு பகுதியில் விபத்துக்குள்ளான பேருந்தில் பொருத்தப்பட்டிருந்த CCTV பதிவுகள் அழிக்கப்பட்டுள்ளமையும் தெரியவந்துள்ளது.

இது தொடர்பில் நீதிமன்றத்தின் கவனத்துக்குக் கொண்டுவரப்பட்டதன் பின்னர், தரவுக்கட்டமைப்பை மொரட்டுவை பல்கலைக்கழகத்திற்கு அனுப்ப நடவடிக்கை எடுக்கப்படுமென பொலிஸார் தெரிவித்துள்ளனர்.