உள்நாட்டுப் பாதுகாப்புச் சட்டத்தின்கீழ் 17 வயது சிங்கப்பூரர் தடுத்துவைப்பு

குடும்ப உறுப்பினர்களும் நண்பர்களும் அவர்களுக்கு நெருங்கியவர்கள் யாராவது தீவிரவாத சித்தாந்தத்தால் ஈர்க்கப்பட்டால் உடனடியாக அதுகுறித்து அதிகாரிகளிடம் புகார் அளிக்க வேண்டும் என்று உள்துறை, சட்ட அமைச்சர் கா. சண்முகம் (படம்) தெரிவித்து உள்ளார்.

- அனுஷா செல்வமணி

நான்கு ஆண்டுகளுக்கு முன்பிருந்து இதுவரை உள்நாட்டுப் பாதுகாப்புத் துறை தீவிரவாத சித்தாந்தத்தால் ஈர்க்கப் பட்ட ஐந்து இளையர்களைக் கண்டறிந்ததாகவும், சிங்கப்பூரில் தாக்குதல் நடத்துவதற்குமுன் அவர்களைத் தடுத்து வைத்துள் ளதாகவும் அமைச்சர் கூறினார்.

தீவிரவாத சித்தாந்தத்தால் ஈர்க்கப்பட்ட 17 வயது சிங்கப்பூர் இளையர் உள்நாட்டுப் பாதுகாப்புச் சட்டத்தின்கீழ் செப்டம்பர் மாதத்திலிருந்து ஈராண்டுகள் தடுத்து வைக்கப்பட்டுள்ளதாக வெள்ளிக்கிழமை (அக்டோபர் 18) காலை தெம்பனிஸ் ஸ்திரீட் 81ல் செய்தியாளர்களிடம் பேசிய போது அமைச்சர் கூறினார்.

'ஐஎஸ்ஐஎஸ்' பயங்கரவாத அமைப்பின் தீவிர ஆதரவாள ரான அந்த இளையர், சில மாதங்களிலேயே இணையத் தாக்கத்தினால் சிரியாவுக்குச் சென்று தாக்குதல்களில் ஈடுபடத் திட்ட மிட்டிருந்தார். சில சவால்களைச் சந்தித்ததால் சிங்கப்பூரில் தாக்குதல் நடத்த அவர் முடிவு செய்தார்.

செப்டம்பர் பள்ளி விடுமுறை காலத்தின்போது இஸ்லாம் சம யத்தைச் சாராத ஆண்கள்மீது தாக்குதல் நடத்தத் திட்டமிட்டிருந்த அவர், ஆகஸ்ட் மாதம் கைது செய்யப்பட்டார்.