புத்தகப்பிரியர்களா நீங்கள்? உங்களுக்கு ஒரு நற்செய்தி!

சிறுவர்களுக்காகப் புதிய நூலகப் பகுதிகள் ஜூரோங் வட்டார நூலகம், பீஷான் பொது நூலகம், பொங்கோல் வட்டார நூலகம் ஆகியவற்றில் வடிவமைக்கப்பட்டுள்ளன!

- யோகிதா அன்புச்செழியன்

சிங்கப்பூரில் வாசிப்புப் பழக்கத்தை ஊக்குவிக்க தேசிய நூலக வாரியத்தின் ‘கம்யூனிட்டி டேக்ஓவர்’ எனும் திட்டம் வெள்ளிக்கிழமை (மார்ச் 21) தொடங்கி வைக்கப்பட்டது.

நீங்கள், உங்கள் பெற்றோர், சகோதரர்கள், நண்பர்களுடன் இந்தப் பகுதிகளில் ஒன்றாக அமர்ந்து புத்தகங்களை வாசித்து நேரத்தை இன்பமாகக் கழிக்கலாம். சிறுவர்களைப் புத்தகம் படிக்கத் தூண்டும் நோக்கத்துடன் இவை அமைக்கப்பட்டுள்ளன.

ஜூரோங் வட்டார நூலகத்தில் இருக்கும் வாசிப்புப் பகுதியை ‘ஃபார்ட்டிடூ’ அறைகலன் நிறுவனம் வடிவமைத்துள்ளது. இங்கு அமர்ந்து, மந்திரக் கதைகளைப் படித்தால் மந்திர உலகிற்குள் நீங்களும் அழைத்துச் செல்லப்படுவீர்கள்!