విమాన వేగాన్ని తలపిస్తున్న బుల్లెట్ రైళ్లు

మనిషి జీవితంలో వేగం పెరిగిపోయింది. సామాన్యుడి నుండి కోట్లకు పడగలెత్తిన బడా బాబులు వరకు అందరూ అనునిత్యం తమ దైనందిన కార్యక్రమాలలో నిమగ్నమై పరుగులు తీస్తున్నారు.

- షేక్ అ అబ్దుల్ హకీం జాని

మనిషి జీవితంలో వేగం పెరిగిపోయింది. సామాన్యుడి నుండి కోట్లకు పడగలెత్తిన బడా బాబులు వరకు అందరూ అనునిత్యం తమ దైనందిన కార్యక్రమాలలో నిమగ్నమై పరుగులు తీస్తున్నారు.

ఒక నగరం నుండి మరో నగరానికి, ఒక దేశం నుండి మరో దేశానికి ప్రయాణించ డానికి ధనవంతులు విమానాలను ఆశ్రయిస్తుంటారు. అదే మధ్య తరగతివారు రైళ్లల్లో ప్రయాణిస్తుం టారు. ఒకప్పుడు ఆవిరితో నడిచే చుకుచుకు రైళ్లు ఉండేవి. వాటి స్థానంలో డీజిల్ రైళ్లు, విద్యుచ్ఛక్తితో నడిచే రైళ్లు వచ్చేశాయి. 90 కి.మీ.వేగంతో వెళితేనే ఆహా, ఓహో అని అందరూ ప్రశంసించారు. ఇప్పుడు గంటకు వందల కి.మీ. వేగంతో పరుగులు తీసే రైళ్లు ప్రపంచ వ్యాప్తంగా అందుబాటులోకి వచ్చాయి.పెరుగుతున్న సాంకేతిక పరిజ్ఞానానికి అనుగుణంగా అత్యంత వేగంగా పరుగులు తీసే బుల్లెట్ రైళ్లు కూడా వచ్చేశాయి. అందరికీ అందుబాటు చార్జీలతో 14 గంటలలో చేరవలసిన గమ్యాన్ని మూడున్నర గంటలలోనే చేరవేసే అతి వేగంగా పరుగులు తీసే రైళ్లు అందుబాటులోకి వచ్చేశాయి.విమాన వేగాన్ని తలపిస్తున్న అటువంటి బుల్లెట్ రైళ్లను మన దేశంలో కూడా ప్రవేశపెట్టడానికి శ్రీకారం చుడుతున్నారు. అందులో భాగంగానే వేగంగా ప్రయాణించే వందే భారత్ ఎక్స్ ప్రెస్ రైలును ప్రారంభించారు.మున్ముందు కొత్త, కొత్త బుల్లెట్ రైళ్లు మన దేశంలో ప్రారంభించేందుకు ప్రణాళికలు సిద్ధం చేస్తున్నారు.

వందే భారత్ ఎక్స్ప్రెస్