ఇంటికే గిడ్డంగి

దుక్కి దున్ని సాగు చేయడం, చీడపీడల నుంచి పంటను కాపాడుకోవడం ఒకెత్తు.. ఆ పంటను గిట్టుబాటు ధరకు అమ్మడం మరో ఎత్తు.

దుక్కి దున్ని సాగు చేయడం, చీడపీడల నుంచి పంటను కాపాడుకోవడం ఒకెత్తు.. ఆ పంటను గిట్టుబాటు ధరకు అమ్మడం మరో ఎత్తు. ఈ క్రమంలో రైతులు ఎదుర్కొనే సమస్యలు అన్నీఇన్నీ కావు. నిల్వ వసతి లేకపోవడం, ప్రైవేటు గిడ్డంగులు ఉన్నా.. అవి ఎక్కడో దూరప్రాంతాల్లో ఉండటం రవాణా ఛార్జీలు ఎక్కువ కావడంతో పంట చేతికి రాగానే చాలామంది తక్కువ రేటుకే అమ్మేసుకుంటూ ఉంటారు. కొందరికైతే మార్కెట్ ధరల మీద అవగాహన కూడా ఉండదు. మరికొందరు కుటుంబ అవసరాలకు డబ్బు కావాల్సి వచ్చి అప్పటికప్పుడు పంట పై అవగాహన లేక అమ్ముతుంటారు. ఆ ఇబ్బందులను ఎదుర్కొంటున్న రైతులకు అండగా నిలబడుతోంది. 'గ్రామాత్'. గిట్టుబాటు ధర వచ్చేదాక పంటను నిల్వ చేసుకునే సదుపాయాలు కల్పించడంతోపాటు అవసరమైన రైతులకు రవాణా ఇప్పిస్తోంది.