'సంఘీ' భావం

అంతరించిపోతున్న పచ్చదనం

- - డాక్టర్ గిరీష్ కుమార్ సంఘీ

భూ మిపై ఉండాల్సిన పచ్చదనం క్రమంగా తగ్గిపోతోం ది. నగరాలు విస్తరించడం, అవసరాలకు అనుగు ణంగా విచక్షణ లేకుండా చెట్లను నరికివేయడం వంటి చర్యలు పరిధికి మించి జరుగుతుండటంతో పర్యావరణ సమతుల్యతకు విఘాతం ఏర్పడుతోంది. ముఖ్యంగా పట్టణాలు, నగరాల్లో పచ్చదనం మచ్చుకు కూడా లేకుండా పోతోంది. నగరీ కరణ, ఆధునీకరణ పేర్లతో చెట్లను నరికివేస్తున్నారు. చెట్టుకు పోషణను ఇచ్చే చెరువులు, కుంటలను కూడా కప్పివేస్తూ బహుళ అంతస్తులు నిర్మిస్తున్నారు. పచ్చదనం లేకపోవడం వల్ల ప్రకృతి వైపరీత్యాలతో పాటు అనేక అనర్థాలను ఎదుర్కొవలసి వస్తోంది.కేంద్రంలోను, రాష్ట్రంలోను సామాజిక అడవులు అభివృద్ధికి సంబంధించి ప్రభుత్వశాఖలు ఉన్నప్పటికీ ఆశించిన ఫలితాలను సాధించలేకపోతున్నాయి. ఒక పక్క పచ్చదనాన్ని పెంచకపోగా మరోపక్క ప్రజల ఆవాసాలకు సమీపంలో ఉన్న అటవీ ప్రాంతం లో చెట్లను కూడా నరికివేస్తున్నారు. ప్రతి ఏటా అడవులు విస్తీర్ణం తగ్గుతూ వస్తోంది. విదేశాల్లో చెట్ల పెంపకం పట్ల ప్రత్యేక శ్రద్ధ చూపుతున్నారు. అదేవిధంగా చెట్లను అనుమతి లేకుండా తొలగిస్తే కఠిన చర్యలు తీసుకుంటున్నారు. రహదారి నిర్మించాలంటే ఆ ప్రాంతంలో ఉన్న చెట్లను తొలగించాల్సి వస్తే అంతకు నాలుగు రెట్ల వృక్షాలను పెంచే బాధ్యతను అప్పగిస్తున్నారు. అదేవిధంగా గృహాలు నిర్మించే సమయంలో తప్పనిసరిగా చెట్ల పెంపకం నిబం ధనను పెడుతున్నారు. మన దేశంలో కూడా ఈ నిబంధన ఉన్న ప్పటికీ ఆచరణలో మాత్రం ఉండటం లేదు. ఒక కర్మాగారాన్ని నిర్మిస్తే దాని చుట్టుపక్కల సుమారు 5 కిలోమీటర్ల వరకు గ్రీన్ బెల్ట్ నిర్మాణం జరగాలని నిబంధనలు స్పష్టం చేస్తున్నాయి.