పరీక్షా' కాలం'!

పదో తరగతి వార్షిక పరీక్షల్లో మెరుగైన ఫలితాల సాధనకు విద్యార్థులు, తల్లిదండ్రు లు, ఉపాధ్యాయులు ఎంతో కృషి చేయటం జరుగుతుంది.

విద్యార్థుల బంగారు భవితకు పదో తర గతి పునాది. ఇక్కడ ఉత్తమ మార్కులతో ప్రతిభ చాటితే ఉన్నత చదువులకు బాటలు వేసుకోవచ్చు. కాబట్టి పదో తరగతి వార్షిక పరీక్షల్లో మెరుగైన ఫలితాల సాధనకు విద్యార్థులు, తల్లిదండ్రు లు, ఉపాధ్యాయులు ఎంతో కృషి చేయటం జరుగుతుంది. రాబోయే నెలల్లో దేశ వ్యాప్తంగా సార్వత్రిక ఎన్నికలు ఉన్న నేపథ్యంలో పరీక్షలు ఈ సంవత్సరం కాస్త ముందుగానే జరగనున్నాయి. ఇప్పటికే పరీక్షల హడావుడి మొదలయ్యింది.

ప్రీ ఫైనల్, ఫైనల్ ఎగ్జామ్స్ అంటూ విద్యార్థులు పుస్తకాలతో కుస్తీ పడుతున్నారు. ఆంధ్రప్రదేశ్ రాష్ట్రంలో పదో తరగతి,  ఇంటర్మీడియట్ పరీక్షలను మార్చి ఒకటి నుంచి 30 వరకు నిర్వహించనున్నట్లు ప్రభుత్వం ప్రకటించింది. సార్వత్రిక ఎన్నికలు ఉన్నందున విద్యార్థులకు ఇబ్బందులు లేకుండా  మార్చి 31 లోపు పరీక్షలు పూర్తి చేసేలా ప్రణాళిక రూపొందించింది. సీబీఎస్ఈ, ఇతర రాష్ట్రాల ఎన్నికల షెడ్యూలు పరిశీలించిన తర్వాత ఈ పరీక్షల షెడ్యూల్ విడుదల చేయటం జరిగింది. ఈ ఏడాది ఆంధ్రప్రదేశ్ రాష్ట్రంలో పదో తరగతి పరీక్షలకు 6.23 లక్షలు, ఇంటర్మీడియట్ మొదటి ఏడాది 5,29,457, రెండో సంవత్సరం పరీక్షలకు 4,76,198 మంది హాజరు కానున్నారు. ఫిబ్రవరి నెలలో ఇంటర్ ప్రాక్టికల్ పరీక్షలు జరగనున్నాయి. అదే విధంగా తెలంగాణలో ఇంటర్ పరీక్షలు షెడ్యూల్ విడుదలైంది. ఫిబ్రవరి 28 నుంచి మార్చి 19 వరకు ఇంటర్ పరీక్షలు జరగనున్నాయి. ఈ మేరకు తెలంగాణ ఇంటర్ బోర్డు షెడ్యూల్ విడుదల చేసింది. ఇంటర్ ప్రాక్టికల్ పరీక్షలు (జనరల్/వొకేషనల్ కోర్సులు ఫిబ్రవరి 1 నుంచి 15 వరకు నిర్వహించనున్నారు. తెలంగాణలో పదవ తరగతి పరీక్షలు మార్చి 18 నుంచి ఏప్రిల్ 2వ తేదీ వరకు జరగనున్నాయి. సిబిఎస్ఈ 10వ తరగతి పరీక్షలు 2024 ఫిబ్రవరి మార్చి 15 నుంచి మార్చి 13వ తేదీవరకు, సీబీఎస్ఈ 12వ తరగతి పరీక్షలు ఫిబ్రవరి 15 నుంచి మార్చి 2 వరకు జరుగుతాయని సెంట్రల్ బోర్డు ఆఫ్ సెకండరీ ఎడ్యుకేషన్ బోర్డు స్పష్టం చేసింది.

అకడమిక్ పరీక్షలు, ప్రవేశ పరీక్షలు...