స్వయంకృతాపరాధం

స్వయంకృతాపరాధం అంటే అందరికీ తెలిసిందే! మనం చేసే ఓ తప్పు వల్ల మనకే ఆటంకాలు సమస్యలు తలెత్తడం.

- యామిజాల జగదీశ్

స్వయంకృతాపరాధం అంటే అందరికీ తెలిసిందే! మనం చేసే ఓ తప్పు వల్ల మనకే ఆటంకాలు సమస్యలు తలెత్తడం. దాంతో అవస్థపడటం. ఈ విషయాన్ని చెప్పడానికి మాయూరం వేదనాయగం పిళ్ళై ఓ కథ చెప్పారు. ఆయన రాసిన ప్రతాప ముదలియార్ చరిత్రం అనే పుస్తకంలో ఈ కథ ఉంది.

జంట (భర్త, భార్య) ఈ ఇద్దరి మధ్య ఎప్పుడు చూసినా గొడవలే. చీటికీ మాటికీ కీచులాడుకునే వారు, కొట్టుకునేవారు కూడా. అలా ఒకరోజు ఇద్దరూ కీచులాడుకుంటుండగా భర్త ఆమెను చూసి నిన్ను ఏం చేస్తానో చూడు..! అని అన్నాడు ఆవేశంగా ఏమైనా ప్రతీకారం తీర్చుకుంటారా అని అడిగింది భార్య.

ఊరు చివర పెద్ద చెరువు ఉంది చూసావూ.అందులో ... అంటూ అతనేదో చెప్తుండగా ఆమె అతని మాటకు అడ్డు తగిలింది. ఆ చెరువులో నేను పడిపోతాను అన్నాడు భర్త.

అతనలా చెప్పినప్పటికీ ఆమె ఆగలేదు. నువ్వు ఆ చెరువులో పడటాన్ని నేను నా కళ్లారా చూస్తాను....ఆ పని త్వరగా చెయ్యండి అంటూ అతనిని లాక్కుంటూ పోయింది చెరువు వద్దకు.