జంతు జన్మ - మానవ జన్మ

జీవకోటిలో మానవ  జన్మ ఎంతో శ్రేష్ఠమైనదిగా భావింప బడుతున్నది.

- డా॥ పులివర్తి కృష్ణమూర్తి

జీవకోటిలో మానవ  జన్మ ఎంతో శ్రేష్ఠమైనదిగా భావింప బడుతున్నది. ప్రాణులలో వనవజన్మ దుర్లభమని చెప్పారు తత్వవేత్తలు.'జన్తూనాం నరజన్మ దుర్లభమ్' అన్నారు.అతి విలువైన మానవ జన్మ మనకు లభించినా దాన్ని సద్వినియోగం చేసుకొనేవారు చాలా కొద్దిమందే వుంటారు. తన పుట్టుకను సత్కార్యాచరణ ద్వారా సార్థకం చేసుకొనేవాళ్లే ఉత్తమ మానవులు అనబడుతారు. తమ దుష్ట చేష్టలతో లోకానికి కీడు కలిగేటట్లు ప్రవర్తించేవారు.అధములు. అటూ ఇటూ కాకుండా బతికేవారు మధ్యములు. మానవ జీవితంలో మృగావస్థ, మనుష్యావస్థ, దేవతావస్థ, ఈశ్వరావస్థలని నాలుగు దశలు ఉన్నాయని మళయాల స్వామీజీ చెప్పేవారు. మృగావస్థలో వున్న మనిషి ఏ జీవినీ ప్రేమించడు. మనుష్యావస్థలో వున్న మనిషి తన బంధువులను ప్రేమిస్తాడు. ఇక ఈశ్వరావస్థను చేరుకొన్న మానవుడు జంతువులనేగాక చెట్లనూ, పుట్లనూ, గుట్టలను కూడా ప్రేమిస్తాడు. మానవ జీవితానికి చరమ లక్ష్యం ఇలాంటి ఈశ్వరావస్థను పొందడమే. ఇక్కడొక చిన్న కథను చెప్పుకుందాం..