కుక్కలతో తిప్పలు

పెంపుడు కుక్కలను 'మీ కుక్క' అని ఇతరులు తెలుగులో సంబోధిస్తే దాని యజమానికి కోపం, బాధ కలగటం సహజం.యజమాని అవమానించినంతగా బాధతో స్పందిస్తారు.

- తడకమళ్ళ మురళీధర్

ఇంగ్లీషులో 'మీ పెట్' అని సంబోధిస్తే మాత్రం అదే యజమాని పెద్దగా బాధపడడు. కుక్కకు  గ్రామసింహంగా, విశ్వాసం గల జంతువుగా పేరుంది.

శునకాలకు రకరకాల పేర్లు పెట్టి కన్న కొడుకు లేదా కన్న కూతురు మాదిరి గారాబంగా సాకటం మనకు తెలుసు. పెంపుడు కుక్కకు పేరు పెట్టాలంటే పిల్లల పేర్లతో దొరికే పుస్తకాల మాదిరి కుక్కల పేర్లతో పుస్తకాలు కూడా మార్కెట్లో దొరుకుతాయేయో! పెంపుడు కుక్క పుట్టిన రోజు నాడు దానికి కొత్తబట్టలు తొడిగి, బంధువులను ఆహ్వానించి, బర్త్ డే కేకుకోసం, 'హ్యాపీ బర్త్ డే టూ యూ' అంటూ విషెస్ చెప్పి, పండుగ వాతావరణం కల్పిస్తారు.అది పడుకోవటానికి ఒక మెత్తటి పరుపు అమరుస్తారు. కుటుంబ సభ్యులతో పాటే తమ పక్కన పరుపుమీద పడుకోబెట్టుకునే వారు లేకపోలేదు. శాకాహార, మాంసాహార భోజనాలు, ప్రత్యేక వంటకాలు దానికోసం తయారుచేస్తారు. శీతాకాలంలో వెచ్చగా ఉండేటందుకు స్వెట్టర్ తొడుగుతారు. మంచి సబ్బుతో స్నానం చేయించటం, జబ్బు చేస్తే వెటర్నరీ డాక్టర్ పరీక్ష చేయించటం, మందులు వేయటం షరామామూలే. దానితో ఆడటం, ఆటలు నేర్పించటం, దానిమూతి మీద కూడా ముద్దలు పెట్టుకోవటం సర్వసాధారణం. అవి చిన్న పిల్లలుగా ఉన్నప్పుడే వేల రూపాయలు ఖర్చు చేసి కొనుక్కోవటం విదితమే.మరణిస్తే కర్మకాండలు కూడా బాగానే జరిపిస్తారు. జాతిని బట్టి కుక్క ఏడు నుండి పదిహేను సంవత్సరాల పాటు జీవిస్తుందట.ఒక్కమాటలో చెప్పాలంటే పెంపుడు కుక్క తన ఇంట్లో ఒక కుటుంబ సభ్యుడిగా నీరాజనాలు అందుకుంటుంది.భారతీయ చట్టాలు కుక్కలు, పిల్లులలాంటి జంతువులకు హక్కులు, రక్షణ కల్పిస్తున్నాయి. జంతువుల పట్ల క్రూరత్వ నియంత్రణ చట్టం, జంతు సంరక్షణ నియమాలు, వన్యప్రాణుల రక్షణ చట్టం, భారత శిక్షాస్మృతిలోని 428, 429 సెక్షన్లు, భారత రాజ్యాంగంలోని 51- ఎ(జి) నిబంధన ఇటువంటి మూగజీవుల కు మానవుల నుండి క్రూరత్వం, దౌర్జన్యాలు నిషేధిస్తూ రక్షణ కల్పిస్తున్నాయి. వీధి కుక్కలపై దౌర్జన్యం చేయరాదని,చంపరాదని, వీధి, గ్రామం, పట్టణం నుండి తరిమేయరాదని, కేవలం స్టెరిలైజేషన్ లేదారోగ నిరోధక టీకాలు ఇచ్చి వీధి కుక్కలబర్త్ కంట్రోల్ చేయాలని చట్టాలు, కోర్టుల తీర్పులు చెప్తున్నాయి. ఏదేని