అతివకు అందలం

 మదిలొ మెలిగిన చిన్న చిన్న ఆలొచనలే దీర్ధకాలంలో పెనువిప్లవానికి అం దారితీస్తాయి. లక్ష్యానికి చేరువచేస్తాయి.

- సుంకవల్లి సత్తిరాజు

 మదిలొ మెలిగిన చిన్న చిన్న ఆలొచనలే దీర్ధకాలంలో పెనువిప్లవానికి అం దారితీస్తాయి. లక్ష్యానికి చేరువచేస్తాయి. సత్ఫలితాలను ప్రసాదిస్తాయి. మనసులో గూడుకట్టుకున్న ఆలోచనలకు ఆచరణ రూపం ఇవ్వకుండా మొగ్గలోనే తుంచేసి, ఊహలకొచ్చిన రెక్కలను కత్తిరించేసి, ఎగరాలనుకోవడం, ప్రయత్నం లేకుండా ఫలితాలను ఆశించడం అత్యాశేకాగలదు. ఆశించడం తప్పుకాదు. ఆశకు తగ్గ ప్రయత్నం చేయకుండా మనం అనుకున్నవన్నీ జరిగిపోవాలనుకోవడంలో బౌచిత్యం లేదు. ఆశావహదృ్భక్పుథం అలవరచుకోవాలి. మన ఆలోచనకు క్రియా రూపం ఇవ్వాలి. గాడాంధకారంలో చిరువెలుగు కోసం ప్రయత్నించాలి. ఆ వెలుతురులోనే మన గమ్యానికి మార్గం అన్వేషించాలి. ఈ అన్వేషణాక్రమంలో ఎన్నో ఇబ్బందులు ఎదురవుతాయి. మనం నడిచేదారిలో ఎన్నో ముళ్లంటాయి. మన ఆశల రెక్కలను కత్తిరించడానికి యత్నించే ఎన్నో కుటిల శక్తులుం టాయి. ఎన్నో అవరోధాలు ఎదురవుతాయి. మనం నడిచే దారి పూలదారి కావాలనుకోవడం, అవాంతరాలెదురైతే లక్ష్యాన్ని చేధించకుండా పలాయనం చిత్తగించడం కార్యశూరుల లక్షణం కాదు. సాధించాలన్న సంకల్పం బలీయంగా ఉంటే చేధించడం కష్టసాధ్యం కాదు. నమస్త భూగోళంపై తమదే గుత్తాధివత్యమన్న అహంభావంతో మానవత్వం మరచి, స్వేచ్చను హరించి, దమన నీతితో దౌర్జన్యంగా భారతదేశాన్ని తమ అధీనంలోకి తెచ్చుకుని, సుదీర్షకాలం వలసపాలన సాగించిన ఆంగ్లమత్తేభాల మదమణచి, రవి అస్తమించని బ్రిటీషు సామ్రాజ్య పాలనాసౌధాల పునాదులను పెకలించిన ధీరత్వం భారతజాతి స్వంతం. స్వాతంత్ర్యసంగ్రామ మహాక్రతువులో తాము సైతం తక్కువ కాదని, స్వేచ్చపై మక్కువతో ఆంగ్ల్రపాలకులను ఎదురించిన భారతీయ ధీరవనితల త్యాగశీలతను తక్కువగా అంచనా వేయరాదు.