నేను చేసింది తప్పే!

విక్రమ చోళుడు అనే రాజు ఉండేవాడు. ఆయన ఒకరోజు ఉండేవేషంలో నగరంలో సంచరించాడు

- యామిజాల జగదీశ్ '

విక్రమ చోళుడు అనే రాజు ఉండేవాడు. ఆయన ఒకరోజు ఉండేవేషంలో నగరంలో సంచరించాడు. నగరంలోని ఒక చెరసాలలోని ఖైదీలు ఎలా ఉన్నారో చూద్దామనుకుని అక్కడికి వెళ్లాడు.

పలువురు ఖైదీలు అక్కడున్నారు.వారిలో ఒకరిని పిలిచి "నువ్వు ఎందుకు ఇక్కడికి వచ్చావని?" అడిగాడు.మారువేషంలో ఉన్న రాజు.

దానికి ఆ ఖైదీ జవాబిస్తూ "నేను ఒక అద్దెకొంపలో ఉండేవాడిని.ఆ ఇంటిని ఖాళీ చేయమని చెప్పారు.మరో ఇల్లు సమయానికి దొరకలేదు. దాంతో ఖాళీ చేయకుండా ఉన్న ఇంట్లోనే ఉండిపోయాను.అందువల్ల నా మీద కేసు పెట్టారు. విచారణ తర్వాత నాకు ఏడాది జైలుశిక్ష విధించారు” అన్నాడు.

రాజు మరొక ఖైదీని పిలిచాడు...."నువ్వెందుకు ఇక్కడికి "వచ్చావని?” అడిగాడు.

దానికతను నేను జవాబిస్తూ "నా మీద ఎలాంటి తప్పూ లేదండి. ఒకరోజు వీధిలో నడుచుకుంటూ పోతున్నాను.దారిలో ఒక బంగారు గొలుసు కనిపించింది. ఎవరూ పట్టించుకోని ఆ గొలుసుని నేను తీసుకున్నాను. డబ్బులు అవసరమైన దానిని అమ్మడం కోసం ఓ దుకాణానికి వెళ్లాను. అక్కడ నన్ను గొలుసు దొంగించావని చెప్పి నన్ను పట్టుకున్నారు. అంతేకాకుండా శిక్ష కూడా విధించారు” అన్నాడతను.

రాజు ఇంకొక ఖైదీని పిలిచి విచారించాడు.