இந்தியா முழுமைக்கும் தேவையானது 2024 தேர்தலில் அதை எதிரொலிக்கச் செய்வோம்!

ஈரோடு பொதுக்கூட்டத்தில் தமிழர் தலைவர் ஆசிரியர் முழக்கம்!

*‘திராவிட மாடல்' விளையாட்டுச் சொல் அல்ல - வினையாற்றும் சொல்!

*இப்பொழுது நடக்கும் போராட்டம் என்பது இரு தத்துவங்களுக்குமானது!

* ஈரோட்டு வெற்றி - கருநாடகத்தில் எதிரொலித்துள்ளது!

* திராவிடர் கழகம் என்பது முகக்கவசம் போன்ற பாதுகாப்பு இயக்கம்

ஈரோடு, மே 16 ஈரோடு இடைத்தேர்தலில் காங்கிரஸ் வேட்பாளர் ஈ.வெ.கி.ச.இளங்கோவன் வெற்றி - கருநாடகத்திலும் எதிரொலித்துவிட்டது. இப்பொழுது இந்தியா முழுவதும் நடைபெறுவது இரு தத்துவங்களுக் கான போராட்டம். 2024 இல் திராவிட இயக்கக் கொள்கை பரவி வெற்றியைக் கொடுக்கும் - திராவிடர் கழகம் முகக்கவசம் போன்ற பாதுகாப்பு இயக்கமாகும் - இந்தியா வுக்கு இது தேவையானது என்று எழுச்சியுரையாற்றினார் திராவிடர் கழகத் தலைவர் தமிழர் தலைவர் ஆசிரியர் கி.வீரமணி அவர்கள்.

திராவிடர் கழகப் பொதுக்குழுத் தீர்மான விளக்கப் பொதுக்கூட்டம்

கடந்த 13.5.2023 அன்று மாலை ஈரோட்டில் நடை பெற்ற திராவிடர் கழகப் பொதுக்குழுத் தீர்மானக்  விளக்கக் கூட்டம் - ஈரோடு கிழக்குத் தொகுதி சட்டமன்ற உறுப்பினர் ஈ.வெ.கி.ச.இளங்கோவன் அவர்களுக்குப் பாராட்டுக் கூட்டத்தில் திராவிடர் கழகத் தலைவர் தமிழர் தலைவர் ஆசிரியர் கி.வீரமணி உரையாற்றினார்.

அவரது உரையின் நேற்றையத் தொடர்ச்சி வருமாறு:

மார்ட்டின் லூதர் கிங்

வைக்கம் சத்தியாகிரகத் தத்துவத்தைப் புரிந்து கொண்ட காரணத்தினால்தான், கருப்பனை, வெள்ளைக் காரர்கள் பேருந்தில் ஏற்றக்கூடாது என்று சொன்ன நேரத்தில், அமெரிக்காவில் மார்ட்டின் லூதர் கிங், அந்தப் போராட்டத்தினை இங்கே இருந்து கற்றுக்கொண்டு நடத்தினார், காந்திய முறையில் என்று சொன்னால் - பெரியாரிய வழி அந்தக் காலத்தில் வைக்கத்திற்கு எந்தெந்த வகையில், அது பல்வேறு ரூபங்களில் எடுத் திருக்கிறது என்பதை எண்ணிப் பார்க்கவேண்டும்.

மேலும் மேலும் களங்களை உருவாக்கிக் கொண்டு, களப் பணிகளிலே நாம் ஈடுபடவேண்டும்! 

சனாதனம் - இவர்களைத் தண்டித்தது.