അഗ്നിശുദ്ധി

ഹിന്ദു ആചാരങ്ങളെല്ലാം അഗ്നിസാക്ഷിയാണ്

- ശങ്കരാടിൽ മുരളി 9074507663

ഭൂമിയിൽ ഏറ്റവും പരിശുദ്ധമായ വസ്തു ഏതാണ്? ഏറ്റവും വലിയ ശുദ്ധി ഏതാണ്? പലർക്കും പല ഉത്തരങ്ങൾ പറയാനുണ്ടാവും.

മുലപ്പാലും, തീർത്ഥവും, ഗംഗാജലവും കരിക്കിൻ വെള്ളവും, നറുനെയ്യ്, എന്നുവേണ്ട, അനവധി വസ്തുക്കളെ ചൂണ്ടിക്കാണിക്കാം. ഇവയൊന്നും പരിശുദ്ധമല്ലെന്നത് സത്യം മാത്രം. മേൽപ്പറഞ്ഞ ഏത് വസ്തുവിലും മായം കലരാം. അപ്പോഴാണ് അഗ്നിയുടെ പ്രസക്തി വരുന്നത്. അഗ്നി മാത്രമാണ് സകല മാലിന്യങ്ങളെയും ആവാഹിച്ച് ദഹിപ്പിച്ച് സ്വയം പരിശുദ്ധമാവുന്നത്.

സ്വർണ്ണത്തിന് പരിശുദ്ധി വരുന്നത് അത് അഗ്നിയിൽ സ്ഫുടം ചെയ്യുമ്പോഴാണ്.

ഹിന്ദു ആചാരങ്ങളിലും, ഗ്രീക്ക് പുരാണത്തിലും, ക്രിസ്തു മതാചാരങ്ങളിലും അഗ്നി, വിളക്കിന്റെയും മെഴുകുതിരിയായും ഹോമകുണ്ഡമായും ചുടലത്തിയായും അവതരിക്കുന്നു. അഗ്നി പരിശുദ്ധമാണെങ്കിലും അതിന് വിവേകമില്ല.