എന്താണ് ശത്രുസംഹാരം...?

വൈരികളിൽ നിന്നുള്ള രക്ഷയാണ് ശത്രുസംഹാരപൂജയുടെ ലക്ഷ്യം

- താവത്ത് ശങ്കരനുണ്ണി, (9847118340)

ആദ്യമേ പറയട്ടെ ശത്രുസംഹാരം' എന്ന ആ വാക്ക് അങ്ങനെ ഉച്ചരിക്കുന്നതു തന്നെ തെറ്റാണ്.

ശത്രുതാസംഹാരം ഇങ്ങനെ വേണമെങ്കിൽ ഒരുവിധം ശരിയായി ഉച്ചരിക്കാം. ശത്രുസംഹാരപൂജ, ശത്രു സംഹാര പുഷ്പാഞ്ജലി എന്നൊക്കെ കേൾക്കുമ്പോൾ എന്തായിരിക്കും ആദ്യം നമ്മളുടെ മനസ്സിൽ വരിക...? നമ്മൾ മനസ്സിൽ ശത്രുവായി കരുതുന്ന ഒരാൾ അല്ലെങ്കിൽ ഒന്നിലധികം ആളുകൾ അവരെ ഇല്ലാതാക്കാനോ അവർക്ക് ദോഷം ചെയ്യാനോ വേണ്ടി കുറച്ച് തുക അല്ലെങ്കിൽ കുറച്ച് ദ്രവ്യങ്ങൾ സർവ്വേശ്വരന് മുന്നിൽ വച്ചാൽ നിങ്ങൾക്കായി ദൈവങ്ങൾ ക്വട്ടേഷൻ എടുക്കുകയാണ് എന്നാണോ...?

അതോ, ഈശ്വരാ,അവൻ അവൾ എന്നെ അങ്ങനെ ചെയ്തു പറഞ്ഞു, അതിനുപകരം അവന് അവൾക്ക് അങ്ങനെ സംഭവിക്കണേ ഇങ്ങനെ സംഭവിക്കണേ എന്ന് നിങ്ങൾ പറയുമ്പോൾ സർവ്വേശ്വരൻ അവർക്ക് ദോഷം ചെയ്യണം എന്നാണോ...?

എന്നാൽ നിങ്ങൾക്കും തെറ്റി, നമ്മുടെ ശത്രുക്കൾ സത്യത്തിൽ ആരാണ്...? ഒരു സംശയവും വേണ്ട നാമോരുത്തരുടെയും ശത്രുക്കൾ നമ്മിൽ തന്നെയാണ്.