കുംഭമേളയുടെ ആത്മീയരഹസ്യം

ലോകത്തിലെ ഏറ്റവും വലിയ മഹാമേളയിൽ പങ്കെടുത്ത് ബ്രഹ്മാ വിഷ്ണു മഹേശ്വരന്മാരുടെ സാന്നിദ്ധ്യത്തിൽ പുണ്യസ്നാനം ചെയ്യാൻ കഴിയുന്നത് സായൂജ്യമാണ്.

- ജ്യോതിഷൻ പൊന്നൻ തമ്പാന്നൂർ (9447283362)

ഭാരതത്തിലെ ഏത് ആഘോഷത്തേയും പോലെ കുംഭമേളയ്ക്കും പൗരാണികമായ ഒരു ചരിത്രമുണ്ട്. ദുർവ്വാസാവ് മഹർഷിയുടെ ശാപ ത്താൽ, സ്വർഗ്ഗാധിപതിയായ ദേവേന്ദ്രനും ദേവ ന്മാർക്കും ജരാനരകൾ ബാധിച്ചു. ജരാനരകൾ മാറാൻ സുദർശനപാണിയായ മഹാവിഷ്ണു പള്ളികൊള്ളുന്ന പാലാഴി കടഞ്ഞ് അമൃതെ ടുത്ത് ഭുജിക്കുക എന്നതായിരുന്നു പ്രതിവിധി.

മന്ദരപർവ്വതത്തെ കടകോലും ഘോരസപ്പ മായ വാസുകിയെ കയറായും ഉപയോഗിച്ച് ദേവന്മാരും അസുരന്മാരും ചേർന്ന് പാലാഴി കടഞ്ഞു. ആദ്യം ഉയർന്നത് അമൃതായിരുന്നില്ല. കാളകൂടമെന്ന കൊടുംവിഷമായിരുന്നു. ഈ വിഷം പതിച്ചാൽ പ്രപഞ്ചം തന്നെ ഇല്ലാതായിപ്പോകുമെന്ന് കണ്ട് എല്ലാവരും ഭയപ്പെട്ടു. ഒടുവിൽ ലോകക്ഷേമത്തിനായി ശ്രീ പരമേശ്വരൻ കാള കൂടവിഷം പാനം ചെയ്തു. പ്രിയതമൻ വിഷത്തിന്റെ ശക്തിയാൽ കൊല്ലപ്പെടുമെന്ന് പേടിച്ച് പാർവ്വതിദേവി വിഷം താഴോട്ടിറങ്ങാതിരിക്കാൻ ശിവന്റെ കഴുത്തിൽ പിടിമുറുക്കി. ലോകം നശിക്കുമെന്ന് പേടിച്ച് മഹാ വിഷ്ണു ശിവന്റെ വാപൊത്തി താഴോട്ടും മേലോട്ടും പോകാതെ കാളകൂടം ശിവഭഗവാന്റെ കണ്ഠത്തിലുറ ച്ചു. വിഷം കുടിച്ചിട്ടും മൃത്യുഞ്ജയനായ ഭഗവാൻ അങ്ങനെ നീലകണ്ഠനുമായി. ഒടുവിൽ ഔഷധങ്ങ ളുടെ ദേവനായ ധന്വന്തരി മൂർത്തി അമൃതകുംഭവു മായി ഉയർന്നുവന്നു. അതോടെ അമൃതിനെച്ചൊല്ലി ദേവന്മാരും അസുരന്മാരും യുദ്ധമാരംഭിച്ചു. അസുര ന്മാരിൽ നിന്ന് അമൃത് രക്ഷിക്കാൻ ഇന്ദ്രപുത്രനായ ജയന്തൻ അമൃതകുംഭവുമായി ഓട്ടമാരംഭിച്ചു. ജയ തൻ പന്ത്രണ്ട് ദിനം തുടർച്ചയായി ഓടിയെന്നാണ് ഐതിഹ്യം.

ഓട്ടത്തിനിടെ നാല് സ്ഥലങ്ങളിൽ ഇന്ദ്രപുത്രൻ അമൃത് താഴെവച്ച് വിശ്രമിച്ചു. ഗംഗാതീരത്ത് ഹരിദ്വാ റിലും ഗോദാവരി തീരത്ത് നാസിക്കിലും ക്ഷിപ്രാനദീ തീരത്ത് ഉജ്ജയിനിയിലും ത്രിവേണീ സംഗമസ്ഥാന മായ പ്രയാഗിലുമാണ് ഇന്ദ്രപുത്രൻ അമൃതകുംഭം വച്ചത്. ഇങ്ങനെ വയ്ക്കുന്നതിനിടെ നാലിടങ്ങളിൽ അമൃത് തുളുമ്പി വീണു.

പന്ത്രണ്ട് ദിനങ്ങൾ പന്ത്രണ്ട് മനുഷ്യ വർഷങ്ങളാണ്. അതിനാലാണ് മൂന്ന് വർഷം കൂടുമ്പോൾ ഇതിലെ ഓരോ സ്ഥലങ്ങളിലും ക്രമാനുഗതം കുംഭമേളകൾ നടത്തുന്നത്. അങ്ങനെ വരുമ്പോൾ ഒരു സ്ഥലത്ത് 12 വർഷം കൂടുമ്പോഴാണ് കുംഭമേളകൾ നടക്കുക.

പന്ത്രണ്ട് വർഷത്തിലൊരിക്കൽ നദികളിൽ അമൃതിന്റെ സാന്നിദ്ധ്യമുണ്ടാകുമെന്നും അന്ന് സ്നാനം ചെയ്താൽ പുനർജ്ജന്മരഹിതമായ മോക്ഷം നേടുമെന്നാണ് വിശ്വാസം.