ഓണാട്ടുകരയുടെ ദേശീയോത്സവം

കുംഭഭരണി മാർച്ച് 4 ന്

- പി. ജയചന്ദ്രൻപി. ജയചന്ദ്രൻ

ആലപ്പുഴ ജില്ലയിൽ മാവേലിക്കര താലൂക്കിലെ അതിമനോ ഹരവും പ്രകൃതിരമണീയവുമായ ഒരു കാർഷിക ഗ്രാമമാണ് ചെട്ടിക്കുളങ്ങര. തിരുവല്ല-കായം കുളം റോഡിൽ മാവേലിക്കരയ്ക്കും കായംകുളത്തിനും മദ്ധ്യേ സ്ഥിതിചെയ്യുന്ന ഈ കൊച്ചുഗ്രാമം ദേശാതിർത്തികൾ കടന്നും അറിയപ്പെടുന്നത് ഒരു ദേവീക്ഷേത്രത്തിന്റെ പേരിലാണ്. ദേശദേവതയായി കരുതപ്പെടുന്ന ചെട്ടിക്കുളങ്ങര ദേവീക്ഷേത്രത്തിന്റെ പേരിൽ ജഗദീശ്വരിയും ആദിപരാശക്തിയുമായ ശ്രീഭദ്രകാളിയാണ് ചെട്ടിക്കുളങ്ങര അമ്മയായി, സർവൈശ്വര്യ പ്രദായിനിയായി ഇവിടെ വാണരുളുന്നത്. തിരുവിതാംകൂർ ദേവസ്വം ബോർഡിന്റെ കണക്കനുസരിച്ച് ശബരിമല കഴിഞ്ഞാൽ ബോർഡിന് ഏറ്റവും കൂടുതൽ വരുമാനം ലഭിക്കുന്നത് ഈ ക്ഷേത്രത്തിൽ നിന്നുമാണ്. എന്നുപറയുമ്പോൾ, അഭീഷ്ടകാര്യസിദ്ധിക്കായി പ്രാർത്ഥനാനിരതമായ മനസ്സോടെ ഇവിടെത്തിച്ചേരുന്ന ഭക്തരുടെ സംഖ്യ എത്രയായിരിക്കുമെന്ന് ഊഹിക്കാവുന്നതേയുള്ളു.

ആദിശങ്കരന്റെ ശിഷ്യനായ പത്മപാദ ആചാര്യൻ സമർപ്പണം നിർവ്വഹിച്ചു എന്ന് കരുതപ്പെടുന്ന ഇവിടത്തെ മുഖ്യപ്രതിഷ്ഠ വരിക്കപ്ലാവിൽ കൊത്തിയെടുത്ത ഭദ്രകാളിയുടെ ദാരുബിംബമാണ്. അതുകൂടാതെ കണ്ണാടിയിൽ ഭദ്രകാളിയുടെ ചെറിയ കർമ്മബിംബവും ഭദ്രകാ ളിരൂപത്തോടുകൂടിയ ഗുരുസി ബിംബവും ചേർന്നതാണ് പ്രതിഷ്ഠ.

ക്ഷേത്ര ഐതിഹ്യം

ഐതിഹ്യപ്പെരുമകൊണ്ടും ആചാരസവിശേഷത കൊണ്ടും ഏറെ സമ്പന്നമാണ് ചെട്ടിക്കുള ങ്ങര ദേവീക്ഷേത്രം. ജഗദീശ്വ രിയും സാക്ഷാൽ ആദിപരാ ശക്തിയുമായ ചെട്ടിക്കുളങ്ങര ഭഗവതി കൊടുങ്ങല്ലൂരമ്മയുടെ മകളാണെന്നാണ്(ചൈതന്യം) വിശ്വാസം. ആ ചൈതന്യം ഓണാട്ടുകരയിൽ(ചെട്ടിക്കുളങ്ങര ഉൾപ്പെടുന്ന മാവേലിക്കര, കാർത്തികപ്പള്ളി, കായംകുളം എന്നീ താലൂക്കുകൾ ഉൾപ്പെടുന്ന പ്രദേശം ഓണാട്ടുകര എന്നാണ് അറിയപ്പെടുന്നത്.) വന്ന് കുടി കൊള്ളുവാൻ ഇടയായതിനു പിന്നിൽ പറഞ്ഞുകേൾക്കുന്ന ഐതിഹ്യകഥ ഇതാണ്: പണ്ട് പണ്ടുപണ്ട്...