നിപാ വീണ്ടും വരുമ്പോൾ

റമ്പൂട്ടാൻ, പേരക്ക, മറ്റ് പഴങ്ങൾ എന്നിവ കഴിക്കുമ്പോൾ വൃത്തിയായി കഴു കിയശേഷം മാത്രമേ കഴിക്കാവൂ.

- സജീവ് മണക്കാട്ടുപുഴ ഫോൺ : 7306489432

നിപാവൈറസ് വീണ്ടും നമ്മുടെ ഉറക്കം കെടു ത്തുകയാണ്. 2018 ൽ കോഴിക്കോടാണ് കേരളത്തിൽ ആദ്യമായി ഇത് റിപ്പോർട്ട് ചെയ്യപ്പെട്ടത്. 2024 സെപ്റ്റംബർ മാസത്തിൽ മലപ്പുറം ജില്ലയിലെ വണ്ടൂരിനടുത്ത് തിരുവാലിയിൽ നിപാ ബാധിച്ച് 24 വയസ്സുകാരൻ മരിക്കുകയുണ്ടായി. ഇതിന് ഏതാനും നാളുകൾക്കുമുൻപാണ് ഏതാണ്ട് പത്ത് കിമീറ്റർ ചുറ്റളവിൽ വരുന്ന പാണ്ടിക്കാട്, 14 വയസ്സുകാരൻ ഇതേ രോഗത്തിന് കീഴടങ്ങിയത്.

എന്താണ് നിപാ?

ഒരുതരം ആർ എൻ എ വൈറസാണ് നിപാ. മലേ ഷ്യൻ യൂണിവേഴ്സിറ്റി ഓഫ് മലയായിലെ ഗവേഷകർ 1999-ലാണ് ഈ വൈറസിനെ ആദ്യമായി കണ്ടെത്തിയത്. നിപാവൈറസിന്റെ ശാസ്ത്രീയനാമം നിപാ നിപ്പാ റസ് എന്നാണ്. ദക്ഷിണേഷ്യയിലും ദക്ഷിണ പൂർവ്വേഷ്യയിലും ആണ് ഇത് പൊട്ടിപ്പുറപ്പെട്ടത്.

വൈറസിന് ഈ പേരിട്ടത് മലേഷ്യയിലെ കമ്പ്യൂങ് ബാരുസുങ്ങായി നിപാ എന്ന ഗ്രാമത്തിന്റെ പേരിൽ നിന്നാണ്.

ലോകത്ത് അപകടം വിതയ്ക്കുന്ന പത്ത് വൈറസുകളിൽ ഒന്നാണ് നിപാ. ബംഗ്ലാദേശ്, മലേഷ്യ എന്നിവിട ങ്ങളിൽ നിന്നുള്ള രണ്ടിനം നിപാവൈറസുകളെയാണ് ലോകത്ത് കണ്ടെത്തിയിട്ടുള്ളത്. കേരളത്തിലെത്തിയത് ബംഗ്ലാദേശിൽ കണ്ടെത്തിയ ഇനമാണ് എന്ന് സ്ഥിരീകരിക്കപ്പെട്ടിട്ടുണ്ട്. വവ്വാലുകളിൽനിന്നും പന്നികളിൽ നിന്നും മനുഷ്യരിലേക്ക് പകരുന്നതും മനുഷ്യരിൽ നിന്ന് മനുഷ്യരിലേക്ക് പകരുന്നതുമാണ് നിപാ. നാലുമുതൽ 14 ദിവസം വരെയാണ് വറസിന്റെ ഇൻകുബേഷൻ കാലം.